Ezekiel 3:11 - O Debleskro Lab 2024 (Sinte-Manouche)

¹¹ Dja pash i menshende dran tiro them, kay pandles krik anlo van an o them Babilonia! Rake ap lende oun pen lenge, hoy me o baro Devel, lengro ray, kamell lenge te penell! Nay vell, te shounenn le. Nay vell, te shounenn le gar.

O Debleskro Drom 2021 (Sinte)

¹¹ Dja pash i menshende dran tiro them, kai pandles krik anlo wan an o them Babilonia! Rake ap lende un pen lenge, hoi me o baro Dewel, lengro rai, kamell lenge te penell! Nai well, te shunenn le. Nai well, te shunenn le gar.

Ezekiel 3:11 ပူးပေါင်းရင်းမြစ်များ

2. Mose 32:7

O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova.

Jeremia 29:20

Kanna shounenn, t'mer lauter dran o foro Yerusalem, kay pandles krik anlo han an o them Babilonia! Shounenn, hoy moukell o baro Devel t'menge te penell:

Ezekiel 2:4

Yon djan pal pengro shero, oun lengro dji hi dran bar. Pash kolende bičrau tout. Lenge peness: Kava penell o baro Devel, maro ray!

Ezekiel 2:5

Yon nay shounenn oder shounenn gar ap toute. Ninna te moukenn le pen či te penell, hounte djinenn le, te hi i Debleskro rakepaskro mashkral lende.

Ezekiel 2:7

Pen lenge mire laba! Nay vell, te shounenn le, nay vell, te shounenn le gar. Yon hi menshe, kay moukenn pen či te penell.

Ezekiel 20:27

Tou, mensho, rake ap o kheer Israel, oun pen lenge: Kava penell o baro Devel, maro ray: T'mare phoure anan ladj ap mande, har phagan le mantsa.

Ezekiel 3:10

Oun pale penas yob ap mande: Tou, mensho, mire tsele laba, hoy me touke penau, de yak ap lende, oun le len an tiro dji!

Ezekiel 3:12

Oun i dourho hadas man pre. Oun pal mande shounom me i bari zoreli gole, hoy penas: Sharenn o raylepen o baro Deblestar kote, kay lo khere hi!

Ezekiel 3:15

Oun me vom pash kolende, kay pandlo krik anlo his, oun an o gab Tel-Abib djivan pash o lengsto pani, hoy kharell Kebar. Efta divessa homs kote beshdo pash lende, oun homs har moulo kolestar, hoy dikom.

Ezekiel 3:27

Ap ko tsiro kay rakrau pale touha, krau me tiro mouy pre. Oun tou peness palle ap lende: Kava penell o baro Devel, maro ray … Koon kamell te shounell, kova shounell ap toute. Koon kamell gar te shounell, kova shounell gar ap toute. Yon hi menshe, kay moukenn pen či te penell.

Ezekiel 33:12

Tou mensho, pen i menshenge dran tiro them: I mensho, kay kras, hoy lačo oun čačo hi, te djal yob ap i čilačo drom, hounte merell lo. Ko lačo oun čačo koova, hoy lo glan kova kras, lell les gar dran o merepen vin. I čilačo mensho, te moukell lo peskro čilačo drom, hounte merell gar. Ko čilačo koova, hoy lo glan kova kras, anell les gar an o merepen. Oun ko lačo oun čačo koova, hoy kras i lačo mensho, kay palle ap i čilačo drom vas, nay lell les gar dran o merepen vin.

Ezekiel 33:17

I menshe dran tiro them penenn: “O Devel djal gar pal o čačepen.” Hi gar yaake, te hi yon kolla, kay djan gar pal o čačepen?

Ezekiel 33:2

Tou, mensho, rake ap i menshende dran tiro them, oun pen lenge: Te anau me o rharo pral i them, oun i menshe an ko them rodenn i morshes lendar vin, te dell yob yak,

Ezekiel 33:30

Tou, mensho, i menshe dran tiro them rakrenn pral toute an o foro oun glan lengre khera, oun penenn yek ap o vavareste: “Avenn oun shounenn, hoy o baro Devel penas!”

Ezekiel 37:18

Oun te poučenn toutar i Israelitarya, kay pash toute hi: Kameh tou menge gar te penell, hoy kamell kova te sikrell?

Daniel 12:1

Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

Daniel 6:13

Oun yon djan pash o baro rayeste oun rakran leha pral ko lab, hoy moukas lo vin gole te dell, oun penan: “Maro baro ray, moukal tou gar save laba pre te činell, oun čival tiro lab koy tele, te vell hakeno pash i leve an i grouba vitsedo, kay mangell an kal triyanda (30) divessa, hoy venn, i vavarestar čomone oun gar toutar, te vals i deblestar har ninna i menshestar?” Oun o baro ray penas: “Ava, kova hi čačo. Oun ko lab hi gar pale te lell. Yaake hi o čačepen pash i Medarya oun i Persarya.”

5. Mose 9:12

oun penas ap mande: “Naash, dja sik kay berga tele! Kol menshe, kay tou dran o them Egiptia vin anal, kran i čilačo koova. Sik djan le ko dromestar tele, kay me sikrom lende. Yon kran penge i devel dran sonakay.”