Ezekiel 27:7 - O Debleskro Lab 2024 (Sinte-Manouche)

⁷ Koy plarhta, kay o dourho dren phourdell, his dran kouč layntikro than, hoy dran o them Egiptia vell. An koleste vas shoukar koova dren sido. Kova his tiro sikepen, hoy foun doural diklo vell. Te rhačrell tout gar o kham, vas i plarhta pre pandlo, hoy his kerdo dran kouč than, hoy blaueto oun lolo his, oun dran o foro Elisha vas.

O Debleskro Drom 2021 (Sinte)

⁷ Koi plachta, kai o ducho dren phurdell, his dran kutch laintikro than, hoi dran o them Egiptia well. An koleste was shukar koowa dren sido. Kowa his tiro sikepen, hoi fun dural diklo well. Te chatchrell tut gar o kham, was i plachta pre pandlo, hoi his kerdo dran kutch than, hoi blaueto un lolo his, un dran o foro Elisha was.

Ezekiel 27:7 ပူးပေါင်းရင်းမြစ်များ

1. Mose 10:4

I menshe, kay van pal o Yavan, hi o Elisha, o Tarsis, i Kitarya oun Rodanarya.

1. Rajengro liil 10:28

Oun o Salomo ginas graya an Egiptia oun an Cilicia, leskre parepangre ginan len oun playsran len kote.

1. Familjakro liil 1:7

O Yavan: leskre čave his: o Elisha, o Tarsis, i Kitarya oun i Rodanarya.

2. Mose 25:4

ninna kouč bakrengro bal, hoy blaueto, lolo oun lolo har yag kerdo vas, lačo layntikro than oun bouzyengre balla.

Gosewe laba 7:16

Me čivom shoukar plarhte ap miro čiben, save plarhte, hoy van kerdo dran kouč than, hoy dran Egiptia vella.

Jesaja 19:9

Oun kolla, kay layntikre thaba krenn, oun kolla, kay lendar lačo than krenn, kolla lauter djinenn bouder gar, har doureder djal, oun yon venn parno i daryatar.

Jeremia 10:9

Yon hi kerdo menshendar, kay hayvenn mishto pengre vastentsa te boudrell. Rupeno saster dran o them Tarsis oun sonakay dran o foro Oufas tserdenn le pral kol figuren, oun rivenn len an blaueto oun lolo ripya.

Ezekiel 16:10

Oun me rivom tout an rayle ripya, kay shoukar koova dren sido his, oun čivom kirrha dran lačo ledera ap tire pire, oun i pandepen dran kouč layntikro than ap tiro shero. Oun i baya dran phar čivom troul toute.