Ezekiel 26:3 - O Debleskro Lab 2024 (Sinte-Manouche)

³ Doleske penell o baro Devel, maro ray: Kanna sikrau les touke, tou foro Tirus! Dran boud themma anau me lourden kourepaske touha. Yek them pal o vavar djal ap toute pre, yaake har dell o baro pani ap o themeskri rig.

O Debleskro Drom 2021 (Sinte)

³ Doleske penell o baro Dewel, maro rai: Kanna sikrau les tuke, tu foro Tirus! Dran bud themma anau me lurden kurepaske tuha. Jek them pal o wawar djal ap tute pre, jaake har dell o baro pani ap o themeskri rig.

Ezekiel 26:3 ပူးပေါင်းရင်းမြစ်များ

Debleskri gili 107:25

Yob rakras, oun i zorelo dourho phourdas, hoy o pani pral oun tele das.

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jeremia 21:13

Denn yak, penell o baro Devel: Kanna vau me pral t'mende, kay djivenn pral i tala ap ko baro bar. T'mer penenn: Kek nay vell pral mende. Kek nay vell an maro kheer.

Jeremia 25:22

i bare raya an i forya Tirus oun Sidon; i bare raya an i themma vergel o baro pani;

Jeremia 50:31

Dik, tou pre-phourdo, me kamau ap toute te vell, penell o baro Devel, ko ray pral o bolepen oun i phoub; tiro dives vas, ko tsiro, kay tiri phagi leh.

Jeremia 50:42

Len hi boge oun rhare. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Babilon.

Jeremia 51:42

I baro pani vas pral o foro Babilon, zorele panya čakran o foro tel pende.

Jeremia 6:23

Lengre lourde kourenn pen i bogentsa oun i rharentsa. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Sion!

Ezekiel 21:3

Pen leske: Kava penell o baro Devel, maro ray: Shoun, hoy touke penau! Me krau i yag an toute, koya rhačrell hako rouk, hoy zenelo hi oun koles, hoy trouk hi. Kek nay krell koy yag vin. Koya djal doureder an o tselo them, yek rigyatar ap i vavar. Oun o tatepen rhačrell hakeneske peskro mouy.

Ezekiel 26:19

Kava penell o baro Devel, maro ray: Me krau, te vess tou i moulo foro har kol forya, kay bouder kek djivell. Me moukau boud pani pral toute te vell, te djas tele.

Ezekiel 27:26

Kolla, kay anan kashtentsa o shiffo glan, anan tout vin ap o baro pani. I zorelo dourho hoy kotar vas, kay o kham pre djal, kova tapras tout oun phagas tout an kotya, mashkral ap o baro pani.

Ezekiel 28:22

Oun pen: Kava penell o baro Devel, maro ray: Kanna sikrau les touke, tou foro Sidon! Ap toute sikrau, har baro oun zorelo me hom, te dikenn oun hayvenn i menshe an toute, te hom me o baro Devel. Te vell miri phagi pral toute, sikrau i menshende, te hom o čačo Devel.

Ezekiel 29:10

Doleske shoun! Kanna sikrau les touke oun tire lengste panya. O tselo them Egiptia vell i moulo them, kay či har barra pral ačenn foun o foro Migdol bis pash o foro Syene oun bis ap koy rig, kay o them Etiopia čiddo hi.

Ezekiel 38:3

Pen: Kava penell o baro Devel, maro ray: Gog, tou pralstouno pral i natsyone Meshek oun Toubal, kanna sikrau les touke!

Ezekiel 5:8

Doleske shounenn, t'mer menshe an Yerusalem, hoy penau me, o baro Devel, t'maro ray: Kanna sikrau les t'menge! Oun dau t'men t'mari phagi glan i yaka kol vavar menshendar.

Micha 4:11

Kanna shoun Yerusalem, lourde dran boud themma krenn pen khetne, te djan le ap toute pre Yon penenn: Nashedo hi kava foro. Dikas, har lo tele djal!

Nahum 2:12

Hoy vas kanna dran o foro Ninive? O foro his har i khatepen, kay o levo oun i levetsa pengre ternentsa trouyel nashan, oun kek koy his, kay lenge kote nay daar krals.

Nahum 3:5

Dik, penell o baro Devel, ko ray pral o bolepen oun i phoub, kanna dau tout tiri phagi. Me čakrau tiro ripen pre, hadau les pral tiro shero, te hal vin rido tardo glan i menshende an i vavar themma, oun hounte ladjess tout glan lende.

Zakarie 14:2

Me lau i lourden dran i tsele themma khetne, te kourenn le pen o foreha Yerusalem. Yon lenn o fores dren, čorenn i khera vin, oun taprenn zoryah i djouvyenge an. Kol menshendar an o foro vell i paash pandles krik anlo. Kolla, kay pral ačan, ačenn nay an o foro.

Zakarie 9:4

O Devel, maro ray, lell lenge krik, hoy len hi, oun vitsrell lengro bravlepen an o baro pani. Oun o foro vell tele rhačedo an i yag.

Louka 21:25

“Ap o kham oun ap o moonto oun ap i bolepangre momlia dikenn t'mer baro koova. Pral i menshende an boud themma vell i bari traash, te dikenn le, har vell o baro pani divyo oun hadell pes pral oun dell bari gole.