Ezekiel 26:18 - O Debleskro Lab 2024 (Sinte-Manouche)

¹⁸ Kolla, kay djivenn ap i tikne themma hoy an o baro pani čiddo hi, trissenn kanna ap kava dives, kay tou khetne peral. Har bango hi le i trashatar, kay tou tele djal!

O Debleskro Drom 2021 (Sinte)

¹⁸ Kolla, kai djiwenn ap i tikne themma hoi an o baro pani tchiddo hi, trissenn kanna ap kau diwes, kai tu khetne peral. Har bango hi le i trashatar, kai tu tele djal!

Ezekiel 26:18 ပူးပေါင်းရင်းမြစ်များ

Ezekiel 26:15

Kava penell o baro Devel, maro ray, ap o foro Tirus: Te pereh tou khetne bari golyah, palle trissenn i tikne themma, hoy an o baro pani čiddo hi. Kolla, kay kote djivenn, trissenn i daryatar, te shounenn le kol boudendar, kay maredo van, oun shounenn i gole kolendar, kay čourye dino van i rharentsa.

Ezekiel 27:35

I daar taprell i tsele menshen, kay pash o baro pani djivenn, oun shounenn, hoy touha djas. Oun lengre rayenge ačenn i balla tardo i trashatar. Oun lengre mouya venn parno.

Jesaja 41:5

Kolla, kay djivenn an dour themma, dikan, hoy krom, oun daran. I tsele menshe ap i phoub trissan i daryatar. Yon kran pen ap o drom oun van khetne.

Jeremia 49:21

Te phagell o Edom khetne, trissell i phoub tel leste. Oun lengre golya venn shounlo pash ko Baro Lolo Pani.

Jeremia 50:46

Te vell o foro Babilon dren lino, trissell i phoub koy golyatar. Oun koy ropaskri gole vell shounlo an i vavar themma.

Ezekiel 31:15

Kava penell o baro Devel, maro ray: Ap ko dives, har ko cedertikro rouk an o moulengro them djas, krom, te rovas o baro pani tel i phoub pral leste. I lengste panya nashan bouder gar, oun i bare panya ačan tardo. I berga Libanon čakras pes an o kalepen. Oun i tsele rouka an o veesh meran tele.