Ezekiel 26:16 - O Debleskro Lab 2024 (Sinte-Manouche)

¹⁶ Oun i raya an kol themma pash o baro pani stenn pengre rayle beshepangre pre, oun djan lendar tele, oun rivenn pengre kouč baya oun shoukar gada vin, oun rivenn paash koola an. Oun beshenn ap i phoub oun moukenn gar tele te trissell.

O Debleskro Drom 2021 (Sinte)

¹⁶ Un i raja an kol themma pash o baro pani stenn pengre raile beshepangre pre, un djan lendar tele, un riwenn pengre kutch baja un shukar gada win, un riwenn paash koola an. Un beshenn ap i phub un mukenn gar tele te trissell.

Ezekiel 26:16 ပူးပေါင်းရင်းမြစ်များ

Hiob 8:22

Kolla, kay kamenn touke čilačepen te krell, hounte ladjenn. Oun i khera i čilačendar ačenn gar tardo.

Debleskri gili 109:18

Yob rivas o praasepen an har i gad. Doleske mou djal o praasepen an leste dren har pani, hoy piyell lo, oun har djet, koleha makell lo pes dren.

Debleskri gili 109:29

An i ladj ap kolende lauterende, kay anan doosh ap mande pre. Lengri ladj mou vell yaake baro, te venn le latar čakedo har i bayah.

Debleskri gili 132:18

Leskro raylepen vell baro oun bareder. Oun ap kolende, kay leske čilačepen kamenn, čivau bari ladj.

Debleskri gili 35:26

Kre, te ladjenn le pen, oun nay hadenn pengro shero gar pral, kolla lauter, kay hi barhtelo pral miri bibarht! Mou vell praasepen oun ladj ap lende, kay hadenn pen pral mande.

2. Mose 15:15

I bare raya an o them Edom trashan, oun kol zorele raya an o them Moab trissan. I tsele menshe an o them Kanaan daran, ava, lauteren tapras i daar.

Jesaja 3:26

I menshe an tiro foreskre voudya, Yerusalem, denn palle gole oun rovenn. Oun o foro hi palle vi-čoredo oun mouklo.

Jesaja 41:5

Kolla, kay djivenn an dour themma, dikan, hoy krom, oun daran. I tsele menshe ap i phoub trissan i daryatar. Yon kran pen ap o drom oun van khetne.

Jesaja 47:1

Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

Jesaja 52:2

Yerusalem, ste pre dran i čik! Trissle koy čik tele! Oun besh tout ap i rayeskri beshepaskri! Vitse kol shelle tele, hoy troul tiri meen pandlo hi, tou stildi čay Sion!

Jeremia 48:39

Dikenn, har hi o them khetne dino! Har bares denn le gole i ropastar! I ladjatar rikrenn le o shero tele. An i tsele themma troul o them Moab, san i menshe pral lende, oun dikenn darene yakentsa ap lende.

Ropaskre gilja 2:10

I phoure an o foro Yerusalem hi beshdo ap i phoub, oun penenn kek lab. Yon vitsran čik ap pengro shero, oun rivan gone ap pende. I terne čenge an o foro Yerusalem hi ropaske. Yon djan ap pengre čanga o mouyeha ap i phoub.

Ezekiel 16:10

Oun me rivom tout an rayle ripya, kay shoukar koova dren sido his, oun čivom kirrha dran lačo ledera ap tire pire, oun i pandepen dran kouč layntikro than ap tiro shero. Oun i baya dran phar čivom troul toute.

Ezekiel 26:21

Kova hoy touha djal, krell, te trissell hakeno, kay toutar shounell. Oun tout dell bouder gar. Te veh rodedo, veh bouder gar hatslo. Kava penell o baro Devel, maro ray.

Ezekiel 28:17

Tiro shoukapen kras tout pre-phourdo. Oun har bravelo oun raylo val, kral savo koova, hoy gar gosevo hi. Doleske vitsrom tout ap i phoub, oun moukom i vavar bare rayen ap toute tele te dikell, te vess lenge sapaske.

Ezekiel 31:15

Kava penell o baro Devel, maro ray: Ap ko dives, har ko cedertikro rouk an o moulengro them djas, krom, te rovas o baro pani tel i phoub pral leste. I lengste panya nashan bouder gar, oun i bare panya ačan tardo. I berga Libanon čakras pes an o kalepen. Oun i tsele rouka an o veesh meran tele.

Ezekiel 32:10

Ap ko tsiro, kay vell miri phagi ap toute, ačenn lenge i balla tardo. Oun lengre raya trissenn i daryatar, te dikenn le, hoy touha krau. Te hadau miro rharo glan lende, trissenn le o tselo tsiro. Hakeno darell peskro djipaske.

Ezekiel 7:27

O baro ray rovell, oun i pralstoune darenn pengro djipaske. Hakeno an o them trissell i daryatar. Me krau lentsa pal kova har yon kran. Oun yaake har kran yon o čačepen vin pral i vavarende, yaake krau me o čačepen vin pral lende. Palle dikenn oun hayvenn le, te hom me o baro Devel.

Ezekiel 7:8

Sik čorau miri rholi pral t'mende vin. Oun djau rholyah t'mentsa trouyel, bis te miri rholi trouyel hi. Me rakrau o čačepen pral t'mende vin, oun t'mer lenn t'mari phagi. Ko tselo djoungelo koova, hoy kran, anau ap t'mare sherya pale.

Daniel 5:6

Koy vas o baro rayeskro mouy parno. Oun yob trashas yaake, te nashras lo haki zoor, oun leskre herya trissan.

Hosea 11:10

Palle djan le o baro Debleske palla, oun yob dell gole har i levo, ava, yob dell gole har i levo, oun leskre čave venn trisslepah pash leste foun kotar, kay o kham tele djal.

Jona 3:6

Har o baro ray o forestar Ninive shounas, hoy o Yona rakras, stas lo pre peskro beshepastar, rivas peskri kouč plaashka vin, oun čivas i gono ap peste, oun beshas pes an i yagakri čik.

Haggai 2:22

Oun me vitsrau i beshepangre kol themengre rayendar trouyel oun lau lengri zoor krik. Lengre kourepangre vourdya vitsrau trouyel khetne kolentsa, kay koy pre beshenna. I graya oun i klissepangre merenna. Yek dell o vavares moulo.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

Debleskro tsiro 18:9

Oun i bare raya ap kay phoub, kay čivan pen lentsa khetne oun van bravelo, kolla denna gole oun rovenna, har yon dikenn, te rhačrella ko foro.