Ezekiel 26:12 - O Debleskro Lab 2024 (Sinte-Manouche)

¹² Oun yon randenn tiro bravlepen oun čorenn, hoy touke parepah khetne anal. Tire massurya venn tele phagedo, oun tire shoukar khera paash kerdo. Kol barra oun ko kasht oun čik, hoy pral ačell, venn an o baro pani vitsedo.

O Debleskro Drom 2021 (Sinte)

¹² Un jon randenn tiro brawlepen un tchorenn, hoi tuke parepah khetne anal. Tire massurja wenn tele phagedo, un tire shukar khera paash kerdo. Kol barra un ko kasht un tchik, hoi pral atchell, wenn an o baro pani witsedo.

Ezekiel 26:12 ပူးပေါင်းရင်းမြစ်များ

2. Familjakro liil 32:27

O Hiskiya his lačes an-diklo, oun les vas boud oun boudeder bravlepen. Oun yob kras peske khera, kay vas pre-hadedo leskro roup, sonakay, kouč barra, soungepaskro djet, shilte, oun vavar kouč koova.

2. Familjakro liil 36:10

Oun har o bersh trouyel his, moukas les o Neboukadnezar an o foro Babilon te anell, oun moukas leha boud kouč koova dran o baro Debleskro kheer te anell, oun čivas leskro kakes, o Sedekya, pral o them Youda oun o foro Yerusalem, te vell lo baro ray.

Jesaja 23:11

O baro Devel hadas peskro vast pral o baro pani vin, oun anas traash pral i tsele rayengre themma. Yob penas zoreles, te venn i zorele barrengre khera an o them Kanaan paash dino.

Jesaja 23:8

Koon penas, te vell kova pral o foro Tirus? Ko foro, hoy yaake zorelo his, te čivas lo raya dren pral vavar themma. Leskre parepangre his har rayengre čave, oun leskre bikepangre his mank i pralstunende ap i tseli phoub.

Jesaja 32:12

Te dikenn t'mer, hoy vas dran i lači phoub oun dran i shoukar drakengre rouka, denn t'mare vasta khetne pral o shero oun rovenn!

Jeremia 25:34

T'mer pralstoune, kay hounte vans har bakrengre o baro Debleskre menshenge, rovenn oun denn gole! Čivenn t'men tele an i yagakri čik! O tsiro hi koy, kay venn maredo. T'mer perenn tele oun venn phagedo har i kouč khoro, hoy perell tele.

Jeremia 52:14

Oun kol tsele lourde dran o them Babilonia, kay leha van, phagan i tsele massurya troul o foro Yerusalem tele.

Ezekiel 26:5

Kote čivenn i mačengre pengre gone vin ap i phoub. Kova penom me, o baro Devel, t'maro ray. I menshe dran vavar themma randenn o foro Tirus vin.

Ezekiel 28:8

Yon marenn tout. Oun tou mereh har yek, kay o rhareha maredo vell – mashkral ap o baro pani.

Daniel 11:8

Ninna lell lo lengre deblen oun figuren oun lengro kouč koova, hoy dran roup oun sonakay hi, oun anell kova an o them Egiptia. Oun palle moukell lo bershenge tele ko baro rayestar pral o them Syria.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Nahum 2:9

Halauter nashenn dran o foro Ninive har pani, hoy dre-pandlo his, vin nashell, te vell o voudar pre kerdo. Ačenn tardo! Ačenn tardo! denn le gole pal lende. Kek rissrell pes!

Zakarie 7:14

Doleske tradom len an vavar themma, hoy prindjran le gar. Oun lengro them vas mouklo. Kek boudras oun djivas bouder gar koy. Yaake kran le dran kava lačo them i moulo them.