Ezekiel 24:9 - O Debleskro Lab 2024 (Sinte-Manouche)

⁹ Kava hi, hoy o baro Devel, maro ray, penell: Djungeles djal touke, tou foro, kay lal rateskri doosh ap toute! Ninna me čivau boud kasht khetne i yagake.

O Debleskro Drom 2021 (Sinte)

⁹ Kawa hi, hoi o baro Dewel, maro rai, penell: Djungeles djal tuke, tu foro, kai lal rateskri doosh ap tute! Ninna me tchiwau bud kasht khetne i jagake.

Ezekiel 24:9 ပူးပေါင်းရင်းမြစ်များ

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

Ezekiel 21:2

Tou, mensho, dik kote, kay o kham pralstounes tardo hi. De o them trad, hoy kote hi! Oun pen ap o veesh an o them Negev, hoy ap leste vella.

Ezekiel 21:3

Pen leske: Kava penell o baro Devel, maro ray: Shoun, hoy touke penau! Me krau i yag an toute, koya rhačrell hako rouk, hoy zenelo hi oun koles, hoy trouk hi. Kek nay krell koy yag vin. Koya djal doureder an o tselo them, yek rigyatar ap i vavar. Oun o tatepen rhačrell hakeneske peskro mouy.

Ezekiel 22:2

Tou mensho, rake o čačepen vin! Ava, rake o čačepen vin pral o foro, hoy hi pherde marepangre! Sike leste peskro tselo djoungelo koova, hoy lo kras!

Ezekiel 22:31

Doleske čorau miri rholi vin pral lende. Miri tati rholi vell pral lende har i yag, oun yon merenn. Yaake anau lengro čilačepen pale ap lengro shero. Kova penell o baro Devel, maro ray.

Ezekiel 24:10

An boud kasht khetne! Kre i yag, oun kere o mass mishto! Mouk i soummi yaake rah te kerell, bis te bouder či pral hi, oun i kokale tele rhačenn!

Ezekiel 24:6

Kava penell o baro Devel, maro ray: Havi bibarht vell ap o foro, hoy yaake boud rateskri doosh ap peste las! Ko foro hi har i piri, hoy gar djoudjo kerdo vas, oun kolakro čik gar tele djal. Le yek kotar mass pal o vavar vin dran late! Mouk či an i piri dren!

Nahum 3:1

Har djoungeles djal touke, tou foro, kay yaake boud rat nashas! Tou hal pherdo rhorhepen oun čoredo bravlepen, oun nay moukeh tiro randepen gar.

Habakuk 2:12

Djungeles djal touke, kay kral i foro o rateha, oun čival les pre o marepah!

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.

Debleskro tsiro 14:20

Vin glan o foro van kol drake an koy bari piri stakedo. Oun o rat nashas koy vin, yaake boud, te djas o rat o grayenge pash lengre mouya, oun nashas triin-sheel (300) kilometarya dour.

Debleskro tsiro 16:19

Oun o baro foro phagas an triin kotya. Oun i forya an i vavar themma peran khetne. O Devel bistras ko baro foro Babilon gar, oun moukas i menshen kote peskri rholi te piyell har mool.

Debleskro tsiro 16:6

Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.