Ezekiel 24:7 - O Debleskro Lab 2024 (Sinte-Manouche)

⁷ Ko rat kolendar, kolen i menshe an o foro maran, hi gomme mashkral lende. Ap i baro bar nashas ko rat, oun gar ap i phoub, te nay čakrals yek les čikeha tele.

O Debleskro Drom 2021 (Sinte)

⁷ Ko rat kolendar, kolen i menshe an o foro maran, hi gomme mashkral lende. Ap i baro bar nashas ko rat, un gar ap i phub, te nai tchakrals jek les tchikeha tele.

Ezekiel 24:7 ပူးပေါင်းရင်းမြစ်များ

1. Rajengro liil 21:19

Rake leha oun pen leske, hoy me, o baro Devel, leske penau: Hi kova gar doha, te maral i morshes? Hounte čoress tou kanna leskro kotar them? Me, o baro Devel, penau touke: Ap ko kotar phoub, kay i djoukle piyan o rat o morshestar Nabot, kote piyenn i djoukle tiro rat ninna.”

Hiob 16:18

Me hom har i morsh, kay vas maredo. I phoub te khatrell gar miro rat, te vell leskri gole hako tsiro shounlo.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jesaja 3:9

O čilačepen dikell dran lende vin. Oun yon anenn doosh ap pende oun kolah sharenn le pen ninna gomme, yaake har kol menshe an o foro Sodom ninna kran. I bibarht vell ap lende, koya anenn yon kokres pengro djoungelo djipah pral pende!

Jeremia 2:34

Ninna hatsan le ap tire koola o rat i čorvelendar, kay kran kek čilačepen, oun kay tou gar koy pashel tapral, kay phagan le an tiro kheer dren. Ninna te kral tou kova lauter,

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Ezekiel 22:4

Ko rateha kolendar, kay maran, anan t'mer doosh ap t'mende. Oun kol rhorhene deblen, hoy t'menge kran, kolentsa kran t'men pale-čiddo. Doleske vell ko dives sik, kay lenn t'mari phagi. T'maro tsiro hi trouyel. Doleske krau, te praasenn t'men i menshe dran vavar themma. Ap i tseli phoub san le pral t'mende.

Ezekiel 23:45

Doleske krenn čačepangre morsha pral lende o čačepen vin, oun denn len i phagi yaake har kol romyenge i phagi dino vell, kay rhorhran pengre romen oun maran menshen. Kal douy rhorhran pengro romes oun ap lengre vasta hi rat.

3. Mose 17:13

Hako Israelitari oun hako vi-themari, kay taprell penge i divyo firho oder i čirklo, hoy yek nay rhal, hounte moukell leskro rat vin nashell ap i phoub oun čakrell čik koy pre.

Zefanja 1:17

I menshe kran čilačepen ap mande. Doleske krau len darenes, te nashenn le trouyel har korele menshe. Lengro rat te nashell ap i phoub har čik, hoy krik vitsedo vell. Oun lengre bouke venn krik vitsedo har te vans le foul.

5. Mose 12:16

Kokres o rat ma rhan! Koles čorenn ap i phoub har pani.

5. Mose 12:24

Čore o rat vin ap i phoub har pani.