Ezekiel 22:9 - O Debleskro Lab 2024 (Sinte-Manouche)

⁹ Mank t'mende hi save menshe, kay rakrenn rhorhepen, te anenn le doosh ap vavarende, yaake te venn kolla maredo. Vavar t'mendar rhan o mass save firhendar, hoy i rhorhene deblenge maredo van, oun krenn vi-ladjedo koova mank t'mende:

O Debleskro Drom 2021 (Sinte)

⁹ Mank tumende hi sawe menshe, kai rakrenn chochepen, te anenn le doosh ap wawarende, jaake te wenn kolla maredo. Wawar tumendar chan o mass sawe viechendar, hoi i chochene deblenge maredo wan, un krenn wi-ladjedo koowa mank tumende:

Ezekiel 22:9 ပူးပေါင်းရင်းမြစ်များ

Debleskri gili 101:5

Koon rakrell čorrhanes djoungelo koova pal o doumo kolendar, kay troul leste hi, koles pandau leskro mouy. Kamau koles gar, kay pre-phourdo hi, oun ap vavar menshende tele dikell.

Debleskri gili 106:28

Pal i tsiro vitsran pen i Israelitarya glan kol vavarengro debleste Baal tele ap i berga Peor, oun rhan ko mass kol firhendar, hoy van maredo i moulenge.

Debleskri gili 50:20

Tou rakreh djoungeles pral tire phralende. Pral tiri dakro čaveste aneh tou rhorhepen pre.

2. Mose 20:16

Ma an kek rhorhepen pre ap yekeste!

2. Mose 23:1

Tou rakress kek koova doureder, hoy tou shounal, oun tou gar djineh, te hi kova čačo! Ma rhorhe i vavareske, kay anas doosh ap peste!

Gosewe laba 10:18

Koles hi i rhorheno mouy, kay peskri rholi ap i vavareste khatrell. Oun kova, kay rhorhepen pral i vavareste rakrell, hi i dinelo.

Gosewe laba 18:8

Te shounah djoungelo rakepen pral i vavarende, hi kova menge har shoukar rhapen, oun djal menge tele har djet.

Gosewe laba 26:22

Kol laba kolestar, kay rhorhepen ap vavarende pre anell, hi har lačo rhapen, oun djan tele har djet.

Jeremia 6:28

Yon djan lauter penge krik mandar, oun rakrenn djoungeles yek pral o vavareste. Djia dran saster hi len. Yon lauter djivenn an o rhorhepen.

Jeremia 9:4

Yon lauter rhorhenn pengre malen. Oun kek rakrell laba, hoy čačo hi. Yon penan pengre čipya, te rakrenn le rhorhepen. Pale te pale krenn le čilačepen ap i vavarende,

Ezekiel 11:6

T'mer dan bouden moulo an kava foro. Oun i dromma an kava foro hi pherdo kolendar, kay van moulo dino.

Ezekiel 16:43

Tou bistral, hoy touke krom, har terno hals. Oun rhoyral man ko tselo koveha, hoy kral. Boud djoungelo koova kral, oun koy pashel kral vi-ladjedo koova. Doleske anau kova lauter, hoy kral, ap tiro shero pale, penell o baro Devel, maro ray.

Ezekiel 18:11

hoy leskro dad gar kras. Oun rhal ko massestar, hoy i rhorhene deblen dino vas, oun djal i vavareskri romyah,

Ezekiel 18:15

Yob mangell gar kol rhorhene deblen an, hoy i Israelitarya an-mangenn, oun rhal gar o massestar, hoy lenge dino vas. I vavareskri romyah djal lo gar.

Ezekiel 18:6

kova rhal či ko massestar, hoy i rhorhene deblenge dino vas. Yob mangell gar i rhorhene deblen an, kolen i Israelitarya an-mangenn, oun djal gar i vavareskri romyah, oun sovell gar i djouvyah an ko tsiro, kay lat peskro koova hi.

Ezekiel 23:29

Kolla djan čilačes touha trouyel, oun lenn touke halauter, hoy touke khetne anal, toutar krik. Yon moukenn tout nanges čiddo. Hakeno nay dikell, har nango hal, oun kay djival har i loubni, oun kral vi-ladjedo oun djoungelo koova.

Ezekiel 24:13

Yerusalem, kova, hoy kras tout pale-čiddo, hi tiro vi-ladjedo koova. Har kamom me ko pale-čiddo koova toutar krik te lell, kamal te ačell har hals. Doleske ačeh pale-čiddo, yaake rah me miri rholi ap toute vin moukom!

Hosea 4:10

T'mer moukan man, o baro Debles, te djan vavar deblenge palla. Doleske rhana oun venn gar čalo, djan boud djouvyentsa oun lenn gar boud čave.

Hosea 4:14

Kek phagi dau t'mare čenge, vitar gar t'mare čavengre romyenge koleske, hoy le kran. Na-a, t'menge morshenge dau i phagi. T'mer djan i loubyentsa ap i rig, oun rhan khetne lentsa o mass kol firhendar, hoy i rhorhene deblenge maredo van. Oun i menshe, kay dikenn kova, oun djinenn gar, hoy lačo oun hoy gar lačo hi, yon perenn o čačo dromestar tele.

Hosea 4:2

Kova, hoy pash t'mende hatslo vell hi koshepen, rhorhepen, čorepen, menshe venn moulo dino, oun boud morsha rhorhenn pengre romyen, oun boud djouvya pengre romen. Oun yon marenn yekes pal o vavares.

Hosea 6:9

Oun i rashaya krenn pen khetne har čorepangre, kay lourenn an o khatepen, te vell yek, koles nay le vin randenn. Ap o drom an o foro Sichem marenn le. Savo čilačo koova krenn le!

Hosea 7:4

Yon halauter hi phoukepangre. Lengri rholi rhačell har i yag an i bob, hoy hi yaake tato, te hounte dell o pekepaskro bouder gar yak koy pre, yaake rah har krell lo o maro, hoy kamell lo te pekell.

3. Mose 19:16

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Mateo 26:59

Oun i bare rashaya oun i tsele pralstoune bibolde rodan morshen, kay anenn rhorheno koova ap o Yezouseste, te nay marenn le les.

Bičepangre 24:13

Yon nay sikrenn tout vitar gar, kay kova čačo hi, hoy yon pral mande penan.

Bičepangre 24:5

Mer djinah, kay kava morsh čilačo hi, oun kay yob čingepen krella mashkral kol tsele biboldende, kay ap i tseli phoub djivenna. Yob hi i pralstouno rakepaskro kolendar, kay patsenna ap o Yezous dran Nazaret.

Čačepangre 20:6

Oun kote lom miri mouli djouvyat oun činom lat an kotya oun bičrom kol kotya an i tsele gaba oun forya, kay i Israelitarya djivenn, te djinenn lauter, havo čilačo oun ladjedo koova kerdo vas an Israel.

1. Samuel 24:10

oun penas ap o Saul: “Hoske shouneh tou ap i laba kol menshendar, kay touke penenna: O David rodella tiri bibarht?