Ezekiel 22:7 - O Debleskro Lab 2024 (Sinte-Manouche)

⁷ Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

O Debleskro Drom 2021 (Sinte)

⁷ Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Ezekiel 22:7 ပူးပေါင်းရင်းမြစ်များ

Debleskri gili 94:5

Tire menshen, baro Devel, rikrenn le tikno. Tire menshenge krenn le o djipen phares.

Debleskri gili 94:6

Kol djouvyen, kolengro rom meras, marenn le, ninna i vi-themaryen, oun kol čaven, kolen kek dad bouder hi, denn le moulo.

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

2. Mose 21:17

Ma rake bibarht vin pral tiro dadeste, vitar gar pral tiri date! Koon kova krell, hounte merell.

2. Mose 23:9

Ma krenn kolenge o djipen phares, kay vi-themarya hi! T'mer djinenn, har kova hi! T'mer hans vi-themarya an o them Egiptia.

Gosewe laba 20:20

Kova, kay pral peskro dades oun peskri date bibarht vin rakrell, koleske djal har yek, koleskri momeli vin djal an i kali rat.

Gosewe laba 30:11

Hi menshe koy, kay rakrenn pral pengro dad bibarht vin, oun penenn kek lačo lab pral pengri date.

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jeremia 7:6

Ma rikrenn kolen tele, kay hi dran i vavar them, vitar gar kol čaven, kay len kek dad bouder hi, oun kol romyen, kay len kek rom bouder hi! Ma denn kol menshen ratles, kay kek čilačepen kran! Ma nashenn vavar deblenge palla. Yon anenn t'men an i bibarht.

Ezekiel 18:12

oun rikrell i čorvelen zoryah tele, ninna kolen, kolen gar doha djipaske hi, oun lell zoryah peske, hoy gar leskro hi. Te patsas lo love vin, dell lo kova gar pale, hoy das les ko čorvelo ko tsireske, kay les siyaan pash leste hi. Oun yob mangell i rhorhene deblen an, oun krell, hoy glan o Debleske yaka djoungeles hi.

Ezekiel 22:25

Tire raya hi mank toute har leve, kay denn gole, har dandrenn le firhen khetne. Yon marenn menshen, čorenn penge bravlepen khetne, oun krenn, te nashrenn boud romya an o them pengre romen.

Ezekiel 22:29

I menshe an Israel rhorhenn oun randenn vavaren. Yon rikrenn kolen tele, kay čorvelo hi, oun kolen gar doha djipaske hi. Ninna i vi-themaryen, kay mank lende djivenn, rikrenn le zoryah tele, oun denn len gar pengro čačepen.

3. Mose 20:9

Te rakrell yek pral peskro dadeste oder peskri date bibarht vin, palle hounte vell lo moulo dino. Koon savo koova krell, ap koleste vell leskro rat.

Zakarie 7:10

Ma krenn čilačepen kol romyenge, kolengro rom meras, oun kol čavenge, kolen kek dad bouder hi, vitar gar kolenge, kay vi-themarya hi oun kol čorvelenge! Ma lenn t'menge glan an t'mare djia, te doukrenn t'maro phrales!”

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Markus 7:10

O Mose penas: Dik ap tiro dadeste oun ap tiri date, te djal lenge mishto! Oun ninna penas o Mose: Koon ap peskro dadeste oun ap peskri date i bibarht anella, kova hounte merella!

5. Mose 24:17

Te hal tou i čačepaskro, hounte dess tou ninna i vi-themares peskro čačepen, ninna i čaven kolengro dad meras. Oun kol djouvyen, kolengro rom meras. Ma le o ripen i romyatar, kolakro rom meras, te rikress les, bis te yoy peskri siyaan playsras.

5. Mose 27:16

“Praasedo vell kova, hoy ap peskro dadeste oun peskri date tele dikell!” Oun i tsele menshe hounte penenn: Amen!

5. Mose 27:19

“Praasedo vell kova, kay dell kek čačepen kolenge, kay venn dran i vi-them, kol čavenge, kolen kek dad bouder hi, oun kol romyenge, kolengro rom meras.” Oun i tsele menshe hounte penenn: Amen!

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.