Ezekiel 21:3 - O Debleskro Lab 2024 (Sinte-Manouche)

³ Pen leske: Kava penell o baro Devel, maro ray: Shoun, hoy touke penau! Me krau i yag an toute, koya rhačrell hako rouk, hoy zenelo hi oun koles, hoy trouk hi. Kek nay krell koy yag vin. Koya djal doureder an o tselo them, yek rigyatar ap i vavar. Oun o tatepen rhačrell hakeneske peskro mouy.

O Debleskro Drom 2021 (Sinte)

³ Pen leske: Kawa penell o baro Dewel, maro rai: Shun, hoi tuke penau! Me krau i jag an tute, koja chatchrell hako ruk, hoi senelo hi un koles, hoi truk hi. Kek nai krell koi jag win. Koja djal dureder an o tselo them, jek rigjatar ap i wawar. Un o tatepen chatchrell hakeneske peskro mui.

Ezekiel 21:3 ပူးပေါင်းရင်းမြစ်များ

Debleskri gili 17:13

Baro Devel, ste tou pre, čip tout lenge an o drom! Stake len khetne! Ab oun le tiro rharo, oun le miro djipen vin dran i vasta kol čilačendar.

Debleskri gili 80:17

Dik, har hi lo tele dino oun pre-rhačedo! Činge yaake ap kolende, kay kova kran, te phagenn le khetne.

Debleskri gili 83:15

Ab lenge har i yag, hoy o veesh tele rhačrell, oun pes an i berge doureder rhal!

2. Mose 15:9

I Egiptarya penan: Las len palla, las len dren! Las menge, hoy lengro hi! Hakenes hi doha koy! Las mare rhare, das len temerl!

Sikepaskro 9:2

Halauter hounte merenna. Kova djal yaake yekeske har ko vavareske, koleske, kay shounell ap o Debleste har koleske, kay kamell či o Deblestar te djinell, koleske, kay krell o lačepen oun koleske, kay krell o čilačepen, koleske, kay hi erligo oun koleske, kay hi pale-čiddo, koleske, kay rhačrell firhen o Debleske har koleske, kay rhačrell kek firhen leske. Yaake har o lačeske djal, yaake djal o čilačeske. Oun kova, kay dell pes sovel, koleske djal yaake har koleske, kay kamell pes gar sovel te dell.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 34:5

Miro rharo kras peskri boudi ap o bolepen. Kanna moukau les tele te perell ap o them Edom, oun ap leskre menshende, kolen pengri phagi dau oun len marau.

Jesaja 57:1

O baro Devel penell: Kova, kay an o čačepen tardo his, meras. Oun kek lell kova an peskro dji. Oun kolla, kay rikran ap mande, nashran pengro djipen. Oun halauter krenna, har te vals kova gar lengro koova. Čačepah, ko čačo mensho vas vin lino dran o tselo čilačepen oun bibarht.

Jeremia 17:27

Te shounenn t'mer gar ap mande, oun djivenn ap o Debleskro dives har ap hako vavar dives, oun hidjrenn t'maro koova ap o Debleskro dives dren an kol voudya o forestar Yerusalem, palle čivau me yag an kol voudya, te rhačrenn i zorele khera pre an Yerusalem. Oun kek nay krell koy yag vin.

Jeremia 21:13

Denn yak, penell o baro Devel: Kanna vau me pral t'mende, kay djivenn pral i tala ap ko baro bar. T'mer penenn: Kek nay vell pral mende. Kek nay vell an maro kheer.

Jeremia 21:14

Me hom kova, kay vau pash t'mende, oun dau t'men i čači phagi koleske, hoy kran, penell o baro Devel. Me čivau i yag an t'maro veesh, te rhačrell lauter tele.

Jeremia 50:31

Dik, tou pre-phourdo, me kamau ap toute te vell, penell o baro Devel, ko ray pral o bolepen oun i phoub; tiro dives vas, ko tsiro, kay tiri phagi leh.

Jeremia 51:20

Oun yob penell: Tou, foro Babilon, hals miro depaskro saster, miro kourepaskro tover; vavar natsyone dom touha khetne, oun vavar rayengre themma krom touha paash.

Jeremia 51:25

Babilon, tou marepaskri berga, tou, kay o merepen anal pral i tseli phoub, dik, me vau pral toute, penell o baro Devel. Me taprau tout miro vasteha, oun vitsrau tout i berga tele. Hoy toutar ačell hi rhačede barra.

Ezekiel 13:8

Doleske penell o baro Devel, maro ray: T'mer rakrenn, hoy gar čačo hi, oun penenn glan-vi, hoy rhorhepen hi, doleske vau me pral t'mende, penell o baro Devel, maro ray.

Ezekiel 14:17

Te moukoms me i kourepen vin te phagell an ko them, oun moukoms menshen oun firhen kote moulo te dell,

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Ezekiel 21:19

Oun tou mensho, de tire vasta pral toute khetne, oun pen lenge, hoy pral lende vella! O rharo dell tele ap lende: yek kopo, douy kope, triin kope! I marepaskro rharo hi lo, boud menshen marell lo, haki rigyatar vell lo ap lende,

Ezekiel 24:9

Kava hi, hoy o baro Devel, maro ray, penell: Djungeles djal touke, tou foro, kay lal rateskri doosh ap toute! Ninna me čivau boud kasht khetne i yagake.

Ezekiel 26:3

Doleske penell o baro Devel, maro ray: Kanna sikrau les touke, tou foro Tirus! Dran boud themma anau me lourden kourepaske touha. Yek them pal o vavar djal ap toute pre, yaake har dell o baro pani ap o themeskri rig.

Ezekiel 29:10

Doleske shoun! Kanna sikrau les touke oun tire lengste panya. O tselo them Egiptia vell i moulo them, kay či har barra pral ačenn foun o foro Migdol bis pash o foro Syene oun bis ap koy rig, kay o them Etiopia čiddo hi.

Ezekiel 5:12

O triinto kotar t'mendar merell ap i pharo nasslepen oun i bokatar. Oun i triinto kotar t'mendar vell glan o foro o rhareha moulo dino. Oun i triinto kotar t'mendar tradau vin ap hake rigya, oun me lau len palla o rhareha.

Ezekiel 5:8

Doleske shounenn, t'mer menshe an Yerusalem, hoy penau me, o baro Devel, t'maro ray: Kanna sikrau les t'menge! Oun dau t'men t'mari phagi glan i yaka kol vavar menshendar.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

Amos 5:6

Te kamenn djido te ačell, palle rodenn o baro Debles. Te krenn kova gar, t'mer dran o kheer Yosef, vell yob pral Betel har i bari yag, hoy kek nay vin krella.

Amos 7:4

Palle moukas man o baro Devel, maro ray, i vavar dikepen te dikell: Yob das i baro tatepen gole, te dell lo i menshen i phagi. Oun o tatepen rhas o baro pani pre, hoy tel i phoub hi, oun kamas o them pre te rhačrell.

Nahum 2:13

O levo randas oun tapras yaake boud firhen, te van leskre čave oun leskre romya čalo. Leskro khatepen kras lo pherdo koleha, hoy lo randas oun maras.

Nahum 3:5

Dik, penell o baro Devel, ko ray pral o bolepen oun i phoub, kanna dau tout tiri phagi. Me čakrau tiro ripen pre, hadau les pral tiro shero, te hal vin rido tardo glan i menshende an i vavar themma, oun hounte ladjess tout glan lende.

Zefanja 2:12

Ninna pral t'mende an o them Etiopia, bičrau lourden, kay marenn t'men o rhareha.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”