Ezekiel 2:1 - O Debleskro Lab 2024 (Sinte-Manouche)

¹ Oun yob penas ap mande: Tou, mensho ste pre! Me kamau touha te rakrell.

O Debleskro Drom 2021 (Sinte)

¹ Un job penas ap mande: Tu, mensho ste pre! Me kamau tuha te rakrell.

Ezekiel 2:1 ပူးပေါင်းရင်းမြစ်များ

Debleskri gili 8:4

Me te dikau o bolepen, hoy tou tire goushtentsa kral, o čon oun i momlia an o bolepen, hoy tou kral,

Ezekiel 1:28

har i brishineskro bogo, hoy vell diklo ap o bolepen pal i brishin. Yaake sikras pes o baro Devel an peskro raylepen mange. Oun har les dikom, moukom man glan leste ap i phoub te perell. Oun me shounom yekes, kay rakras.

Ezekiel 12:3

Tou mensho, le tire koola khetne, har te vals yek, kay hounte djal an o pandepen. Oun kre tout pral o dives ap o drom, te nay dikenn kova halauter. Glan lengre yaka djas tou kote vin, kay khere hals, oun djas ap i vavar platsa. Yaake te nay vals, te djal lenge i yaka pre – kolenge, kay moukenn pen či te penell.

Ezekiel 13:2

Tou, mensho, de kolen an Israel trad, kay denn glan, te hi le mire rakepangre, oun rakrenn dran pende vin, oun penenn Kava lab vell o Deblestar. Pen lenge: Shounenn, hoy o baro Devel penell t'menge!

Ezekiel 14:13

Tou, mensho, djiness, te phagenn i menshe an yek them mantsa, oun rikrenn bouder gar ap mande, dau me len i phagi. Oun krau, te hi len bouder gar doha maro. Oun bičrau i bok an o them, te merenn i menshe oun i firhe i bokatar.

Ezekiel 14:3

Tou, mensho, kal morsha rikran ap pengre rhorhene deblen, oun čivan len pre glan pende, kolen, kay anenn len ap o čilačo drom. Hoske moukap man savendar te poučell?

Ezekiel 15:2

Tou, mensho, pen mange: Hi o kasht i drakengro roukestar feteder har o vavar kasht dran o veesh?

Ezekiel 16:2

Tou mensho, rike i menshenge an o foro Yerusalem glan i yaka, havo djoungelo koova yon kran!

Ezekiel 17:2

Tou, mensho, pen i menshenge dran o kheer Israel phare laba, oun pouč lendar, hoy kamenn kolla te penell!

Ezekiel 2:3

Tou, mensho, me bičrau tout pash i Israelitarya. Kolla hadan pen oun peran mandar tele. Ninna lengre phoure hadan pen pale te pale pral mande. Oun kolla, kay kava dives djivenn, hi gar vavarčandes.

Ezekiel 2:6

Oun tou mensho, tou daress gar lendar, vitar gar lengre labendar, hoy yon rakrenna. Tou djiveh mank lende har mank skorpione. Yon hi har soubyengre bourra troul toute. Ma mouk len touke daar te krell! Ma traash kolestar, hoy kolla rakrenna, kay moukenn pen či te penell!

Ezekiel 2:8

Oun tou mensho, shoun, hoy me touke penau! Ab tou gar har kolla, kay kamenn lauter feteder te djinell! Kre tiro mouy pre oun rha kova, hoy me touke dau!

Ezekiel 20:3

Tou, mensho, pen kol phourenge dran Israel: Kava penell o baro Devel, maro ray: T'mer van, te poučenn mandar? Me dau man sovel pash miro djipen: Me moukau man gar t'mendar te poučell, me gar, penell o baro Devel, maro ray.

Ezekiel 3:1

Oun yob penas ap mande: Tou, mensho, rha kova, hoy glan toute hi! Rha kava liil, oun dja pash i menshende Israel, oun rake ap lende!

Ezekiel 3:10

Oun pale penas yob ap mande: Tou, mensho, mire tsele laba, hoy me touke penau, de yak ap lende, oun le len an tiro dji!

Ezekiel 3:17

Tou, mensho, vess kova, kay dikell i bibarht te vell oun penell kova i Israelenge doureder, yaake har yek ap i foro yak dell, oun i menshenge penell, te venn lourde. Te penau me touke i lab, hounte peness kova lenge, te djinenn le, hoy kamau ap lende te anell.

Ezekiel 3:4

Oun yob penas ap mande: Tou, mensho, ste pre oun dja pash o kheer Israel! Oun pen lenge kol laba, hoy touke penau!

Ezekiel 37:3

Oun yob penas ap mande: “Tou, mensho, venn kal moule kokale pale djide menshe?” Oun me penom: “Baro Devel, miro ray, tou djineh kova.”

Ezekiel 4:1

Tou, mensho, le i bar dran rhačedi čik, oun čip les glan toute, čin dren, har o foro Yerusalem vin dikell!

Ezekiel 40:4

Oun ko morsh penas ap mande: Tou, mensho, dik oun shoun mishto, oun de yak ap halauter, hoy sikrau tout. Doleske val tou kate anlo, te sikrap kova touke. Halauter, hoy kate dikal, pen i menshenge dran o kheer Israel!

Ezekiel 43:18

Oun yob penas ap mande: Tou mensho, kava penell o baro Devel, maro ray: Kava hi, hoy hounte kress ap kava dives, kay hi kay rhačepaskri kerdo, ap kolate firhe rhačedo venn o baro Debleske, oun firhengro rat ap late vitsedo vell.

Ezekiel 5:1

O baro Devel penas: Tou, mensho, le touke i rharo, hoy mishto činell, oun čin touke koleha i balla ap tiro shero tele oun tiri čor. Palle le i vaga, čip i balla pre, oun kre triin kotya lendar, hakeno yaake pharo har ko vavar.

Ezekiel 7:2

Tou, mensho, kava hi, hoy penau me, o baro Devel t'maro ray ap o them Israel. Hi doha! O tsiro hi koy, kay djal o tselo them Israel tele.

Daniel 10:11

Oun yob penas ap mande: “Daniel, tou hal kouč o Debleske! De yak ap kol laba, hoy me touha rakrau! Oun ste pre! Me vom kanna pash toute bičedo.” Oun har yob kava mantsa rakras, stom me pre, oun mire tsele kokale trissan ap mande.

Daniel 10:19

oun penas: “Ma dare gar! Tou hal kouč o Debleske! Lauter te djal touke mishto! Ab zorelo, ab zorelo!” Oun har yob mantsa rakras, vom me zorelo, oun penom: “Miro ray, rake! Tou dal man zoor.”

Daniel 8:17

Oun o Gabriel vas pash mande, kay me tardo homs. Oun i daar tapras man yaake zoreles, te perom ap i phoub. Yob penas ap mande: “Tou mensho, de yak oun shoun! Kova hoy dikal, kova hi ko tsireske, kay o tsiro kay phoubyake tele nashell.”

Mateo 17:7

Oun o Yezous djas pash lende, čivas peskre vasta ap lende, oun penas: “Stenn pre! Ma darenn!”

Johanni 3:13

Me, o Mensheskro Čavo kokres, nay penau, hoy an o bolepen hi. Me vom dran o bolepen.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Bičepangre 26:16

Ste pre oun ač ap tire pire tardo! Me moukom man toutar te dikell, te vess miro boudepaskro, oun te peness i menshenge, hoy tou dikal. Oun lauter, hoy me tout sikrau, hounte peness.

Bičepangre 9:6

Ste pre oun dja an ko foro! Koy penenn le touke, hoy te kress.”