Ezekiel 19:2 - O Debleskro Lab 2024 (Sinte-Manouche)

² Oun pen: Havi rayli levetsa his tiri day! Mashkral terne leve his li čiddo, oun tserdas peskre čaven baro.

O Debleskro Drom 2021 (Sinte)

² Un pen: Hawi raili lewetsa his tiri dai! Mashkral terne lewe his li tchiddo, un tserdas peskre tchawen baro.

Ezekiel 19:2 ပူးပေါင်းရင်းမြစ်များ

Hiob 4:11

I leve merenn, te hi len či marepaske oun rhapaske. Oun lengre terne nashrenn pen kate te kote.

Debleskri gili 58:6

Yon pandenn pengre kanda har i sap, kay kamell gar te shounell, hoy o dourkepaskro ap leste rakrell, ninna te hayvell lo mishto i sapentsa te rakrell.

Jesaja 5:29

Lengri gole hi har koya, hoy i levo dell, ava, yaake har dell i terno levo gole, hoy vell dour dran leskri meen. Oun palle stell lo pre oun taprell ko firhes, hoy lo rhapaske kamell, oun hidjrell les kote, kay kek nay lell les leske krik.

Ezekiel 19:1

O baro Devel penas mange: Tou, gib i ropaskri gili pral i rayende dran o kheer Israel.

Ezekiel 19:3

Oun yek lendar, hoy tserdas li pre, vas i terno zorelo levo, Leske sikras li, har te dandrell lo firhen moulo, oun ninna menshen rhas lo pre.

Ezekiel 32:2

Tou, mensho, gib i ropaskri gili pral o Farao, ko baro rayeste o themestar Egiptia, oun pen leske: Tou patseh, te hal har i terno levo, o bareder ray mank i tsele rayende, oun hal har i baro čilačo firho an o baro pani. An kol lengste panya, kay djiveh, phourdal dourho dran tiro nak, te das o pani pre karye. Oun tire heryentsa stakral yaake, te vas i čik dran o pani pre oun o pani čiklo.

Zakarie 11:3

I pralstoune pral i themma denn gole i doukatar, lengro raylepen hi bouder gar. Shounenn i gole i levendar! O veesh, kay le khere his, pash o pani Yordan, hi khetne stakedo.

5. Mose 33:22

Pral o kheer Dan penas lo: O Dan hi i terno levo, kay vin stell dran peskro khatepen an Bashan.