Ezekiel 17:7 - O Debleskro Lab 2024 (Sinte-Manouche)

⁷ Oun kote his i vavar baro adlari. Koles his ninna bare moussya oun boud phora troul peskro shero. Oun kanna rissras o drakengro rouk peskre draba oun kashta pash koleste, te dell kova les boudeder pani, har koy phoub, an kolate yob dren čiddo vas,

O Debleskro Drom 2021 (Sinte)

⁷ Un kote his i wawar baro adlari. Koles his ninna bare mussja un bud phora trul peskro shero. Un kanna rissras o drakengro ruk peskre draba un kashta pash koleste, te dell kowa les budeder pani, har koi phub, an kolate job dren tchiddo was,

Ezekiel 17:7 ပူးပေါင်းရင်းမြစ်များ

2. Rajengro liil 24:20

Kova halauter kras o baro Debles yaake rhoyedo pral o foro Yerusalem oun o them Youda, te tradas lo len pestar krik. Oun o Sedekya phagas o baro rayeha pral o them Babilonia, oun kras bouder gar, hoy kova kamas.

2. Familjakro liil 26:13

Tel lende his 307 500 zorele morsha tarde, te kourenn le pen kolentsa, kay an o kourepen khatar lengro baro rayeste djan.

Ezekiel 17:15

I tsiro koy pre hadas pes o ray o themestar Youda, oun bičras morshen an o them Egiptia, te bičrenn le leske graya oun lourden. Djal kova mishto? Lell yek, kay savo koova krell, kek phagi? Nay phagell lo peskri sovel, oun lell kek phagi?

Ezekiel 17:6

Oun ko drab anas kashta oun patria vin, oun vas i drakengro rouk. Kova vas bourhlo oun ačas tikno. Leskre kashta djan kote, kay o adlari hi. Oun leskre draba djan dour tele an i phoub. Yaake vas dran ko drab i drakengro rouk, kolestar van kashta oun neve tikne bourra vin.

Ezekiel 17:8

ninna te his yob an lači phoub dren čiddo, oun his tardo pash boud pani. Oun lestar nay djans boud kashta vin, oun nay djans boud drake ap leste pre, yaake te vals lo i shoukar drakengro rouk.

Ezekiel 31:4

Les his boud pani. O pani tel i phoub kras, te vas lo baro. Ko panyestar tel i phoub djan lengste panya vin oun nashenn troul koy platsa, kay o cedertikro rouk tardo hi. Oun tikne panya nashenn doureder pash kol tsele vavar rouka an o veesh.