Ezekiel 17:6 - O Debleskro Lab 2024 (Sinte-Manouche)

⁶ Oun ko drab anas kashta oun patria vin, oun vas i drakengro rouk. Kova vas bourhlo oun ačas tikno. Leskre kashta djan kote, kay o adlari hi. Oun leskre draba djan dour tele an i phoub. Yaake vas dran ko drab i drakengro rouk, kolestar van kashta oun neve tikne bourra vin.

O Debleskro Drom 2021 (Sinte)

⁶ Un ko drab anas kashta un patria win, un was i drakengro ruk. Kowa was buchlo un atchas tikno. Leskre kashta djan kote, kai o adlari hi. Un leskre draba djan dur tele an i phub. Jaake was dran ko drab i drakengro ruk, kolestar wan kashta un newe tikne burra win.

Ezekiel 17:6 ပူးပေါင်းရင်းမြစ်များ

2. Familjakro liil 36:10

Oun har o bersh trouyel his, moukas les o Neboukadnezar an o foro Babilon te anell, oun moukas leha boud kouč koova dran o baro Debleskro kheer te anell, oun čivas leskro kakes, o Sedekya, pral o them Youda oun o foro Yerusalem, te vell lo baro ray.

Debleskri gili 80:8

Tou, Devel oun ray pral o bolepen oun i phoub, hade men pale pre! Dik lačes ap mende, yaake djal menge pale mishto.

Jesaja 18:5

Ap ko tsiro, kay i drake bares venn, glan kova kay le dren lino venn, činell o baro Devel peskro čouryeha i neve kashta tele. Ninna kolla, kay lengsto oun sano hi, dell lo tele.

Ezekiel 17:14

te vell ko them Youda gar zorelo oun nay hadell pes gar, oun te vell kova dren rikedo, hoy yon vin kran.

Ezekiel 17:5

Palle las lo i drab dran o them oun čivas les an lači phoub, kay boud pani his. Pash ko pani čivas lo les an i phoub.

Ezekiel 17:7

Oun kote his i vavar baro adlari. Koles his ninna bare moussya oun boud phora troul peskro shero. Oun kanna rissras o drakengro rouk peskre draba oun kashta pash koleste, te dell kova les boudeder pani, har koy phoub, an kolate yob dren čiddo vas,

Ezekiel 19:10

Tiri day his har i drakengro rouk, hoy vas pash o pani an i phoub čiddo. Oun har les yaake boud pani his, hidjras lo boud drake, oun boud zenele kashta his ap leste.

Ezekiel 29:15

tikneder har vavar rayengre themma, te hadenn le pen bouder gar pral vavar themma. Me krau, te vell len gar boud penepaske, te nay venn le bouder gar i raya pral vavar themma.

Mateo 13:26

Oun o tsiro vas, te vell o lačo djob vin, oun vas bares. Oun koy vas ninna ko djoungelo zenlepen bares.