Ezekiel 15:8 - O Debleskro Lab 2024 (Sinte-Manouche)

⁸ Me krau, te vell o them i moulo them. Kova krau doleske, kay phagan le mantsa, penell o baro Devel, maro ray.

O Debleskro Drom 2021 (Sinte)

⁸ Me krau, te well o them i mulo them. Kowa krau doleske, kai phagan le mantsa, penell o baro Dewel, maro rai.

Ezekiel 15:8 ပူးပေါင်းရင်းမြစ်များ

2. Mose 21:8

Te ginas lakro ray lat, te vell li peskri romni, oun palle kamell lo lat bouder gar, hi les gar o čačepen, te bikrell lo lat ap i vi-themari. Kova vals i ladj. Yob hounte moukell lat lakre menshenge, te ginenn yon lat pale.

Jesaja 6:11

Oun me poučom: “Har rah, ray?” Oun yob penas: “Bis te bouder kek menshe an i forya djivenn, vitar kek mensho an i khera, oun ko harhetikri phoub har i moulo them vas.”

Ezekiel 16:1

Oun o baro Devel penas ap mande:

Ezekiel 17:20

Me vitsrau miri netsa pral leste vin, te vell lo tapedo an mire dorya. Oun anau les an o them Babilonia. Kote dau les i phagi koleske, kay phagas lo mantsa.

Ezekiel 33:29

T'mer krenn, hoy glan mire yaka djoungelo hi. Doleske krau ko them, te vell lo i vi-meredo them. Palle dikenn oun hayvenn t'mer, te hom me o baro Devel.

Ezekiel 39:26

An ko tsiro, kay djivenn le pale kek daryah an pengro them, oun kek len traash krell, bistrenn le ko tsiro, kay vas bari ladj ap lende har moukan le man.

Ezekiel 6:14

Oun me hadau miro vast ap lende oun krau lengro them paash, te vell ko tselo them mank o moulo divyo them Youda oun o foro Ribla i mouklo them. Hako forestar, kay le djivan, ačell či har barra. Palle dikenn oun hayvenn le, te hom me, o baro Devel.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.