Ezekiel 14:9 - O Debleskro Lab 2024 (Sinte-Manouche)

⁹ Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

O Debleskro Drom 2021 (Sinte)

⁹ Te mukell pes i Debleskro rakepaskro jaake dur te anell, te dell lo les i lab mandar dureder, palle krau me, o baro Dewel, te dell lo i chocheno lab dureder. Un me hadau miro wast pral leste, un krau les pale-tchiddo, te djiwell lo buder gar mank mire menshende Israel.

Ezekiel 14:9 ပူးပေါင်းရင်းမြစ်များ

2. Familjakro liil 18:22

O Mika penas doureder: “Dikeh, o baro Devel bičras i rhorhepaskro dourho pash tire dikepangre, te rakrenn le rhorhepen. O baro Debles hi an o dji, te moukell lo tout an i bibarht te nashell.”

Hiob 12:16

Pash leste hi i zoor oun o čačo gosvepen. Les hi ninna i zoor pral koleste, kay perell o čačo dromestar tele, oun pral koleste, kay anell les o čačo dromestar tele.

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jesaja 66:4

Doleske hi mange shoukar, te anap len an i bibarht. Oun anau kova pral lende, glan leste yon yaake darenna. Me dom ap lende gole, oun kek shounas oun kek rakras pale. Me dom len trad, oun kek das pre yak. Ava, yon kran kova, hoy an mire yaka čilačo hi, oun lenge his shoukar, te krenn le kova, hoy an mire yaka djoungelo hi.

Jesaja 9:12

Oun i menshe dran Israel van gar pale pash koleste, kay len kol dava dell, oun rodan gar o baro Debles, ko rayes pral o bolepen oun i phoub.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Jeremia 14:15

Kova hi, hoy me, o baro Devel, krau ap kol rakepangre, kay penenn, te rakrenn le an miro lab, ninna te bičrom len gar. Yon penenn ninna, te vell kek kourepen oun kek bok an kava them. Save rakepangre hounte merenn an o kourepen oun i bokatar.

Jeremia 4:10

Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.

Jeremia 6:14

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 6:15

Yon hounte ladjans pen ko djoungelo koveha, hoy yon kran. Kova krenn le gar. Yon ladjenn gar. Yon djinenn gar, hoy ladj hi. Doleske venn yon maredo khetne kol vavarentsa. Te vau me, oun dau len i phagi, ačell kek lendar djido, penell o baro Devel.

Ezekiel 13:9

Miro vast vell pral kol rakepangre, kay penenn glan-vi, hoy gar čačo hi, oun kay dourkrenn rhorhepen, te dap len i phagi. An o tsillo, kay mire menshe khetne venn, nay venn yon gar dren. Oun an o liil, kay i laba i menshendar dran Israel dren činlo hi, venn lengre laba gar dren činlo. Oun an o them Israel venn le gar palpale. Palle dikenn oun hayvenn t'mer, te hom me o baro Devel, t'maro ray.

Ezekiel 14:10

Yaake hounte hidjrenn kol douy pengri doosh: Kova, kay poučas, oun ko Debleskro rakepaskro.

Ezekiel 14:5

Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.

Ezekiel 16:27

Doleske hadom miro vast, te dap tout i phagi, oun lom touke i kotar them krik kolestar, hoy dom tout. Oun i djouvyenge an o them Filistia, kay his rhoyedo ap toute, dom tout an i vasta, te krenn le touha, har yon kamenn. Oun yon ladjan pral tiro vi-ladjedo djipen.

Ezekiel 20:25

Oun ninna dom len čačepaskre laba, hoy či-moldo his, oun hoy anan lenge kek djipen.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Zakarie 13:3

Te penell savo morsh doureder, te hi leskro rakepen o Deblestar, palle penenn leskro dad oun leskri day ap leste: “Tou hounte meress! Tou rakral rhorhepen an o lab o baro Deblestar.” Oun leskro dad oun leskri day, denn les moulo čourye, doleske, kay rakras lo rhorhepen an o baro Debleskro lab.