Ezekiel 13:3 - O Debleskro Lab 2024 (Sinte-Manouche)

³ Kava penell o baro Devel, maro ray: Bibarht vell ap kol čilače rakepangre, kay penenn glan-vi, hoy dran lengro dji vella, oun kolen kek dikepen dikan, hoy mandar vas!

O Debleskro Drom 2021 (Sinte)

³ Kawa penell o baro Dewel, maro rai: Bibacht well ap kol tchilatche rakepangre, kai penenn glan-wi, hoi dran lengro dji wella, un kolen kek dikepen dikan, hoi mandar was!

Ezekiel 13:3 ပူးပေါင်းရင်းမြစ်များ

Gosewe laba 15:14

Yek, kay hayvell, hoy mishto oun gar mishto hi, kova rodell, har te djinell lo gomme boudeder. O narvelo bokell pal dinelo koova.

Gosewe laba 15:2

O gosevo rakrell yaake, te hayvenn i vavar, hoy mishto hi. Dran o narveleskro mouy vell či har dinlepen.

Jeremia 23:1

Bibarht ap t'mende, t'mer pralstoune, kay hounte vans har bakrengre mire menshenge, oun moukenn len nashedo te djal, oun rikrenn len gar khetne.

Jeremia 23:16

Kova penell o baro Devel, ko ray pral o bolepen oun i phoub: Ma shounenn ap i laba, hoy kol rakepangre penenn! Yon rhorhenn t'men, oun rakrenn pral dikepen, hoy vell dran lengre djia oun gar o baro Deblestar.

Jeremia 23:9

Kova penas o Yeremia ap kol rakepangre, kay hounte rakrans o Debleskre laba, oun krenn kova gar: Miro dji kamell te phagell an mande. Mire tsele kokale trissenn. O baro Devel rakras mantsa. Oun leskre laba, hoy lo penas, kran, te nay rikrau man bouder gar ap i herya. Me vom har mato har yek kay hi mato i molyatar.

Jeremia 28:15

Oun o Yeremia penas ap o Hananya: “Shoun, Hananya! O baro Devel bičras tout gar. Tou kral, te patsenn kal menshe rhorhepen.

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Ezekiel 13:18

oun pen lenge: Kava penell o baro Devel, maro ray: Bibarht vell ap t'mende! T'mer sivenn dourkepangre dikle, hoy venn pandlo troul i moussya oun troul i sherya hakenestar, i ternendar oun i phourendar, te vell t'men zoor pral lende. Kamenn t'mer vavar menshen an o merepen te anell, oun t'mer kokres djido ačenn?

Ezekiel 13:4

T'mer Israelitarya, kolla, kay penenn, te hi le t'maro Debleskre rakepangre, hi har divye djoukle, kay rodenn rhapen mank i barra o tele-phagedo forestar.

Ezekiel 34:2

Tou, mensho, pen i pralstunenge pral Israel glan-vi, hoy pral lende vella! Pen lenge: Kava penell o baro Devel, maro ray: Djungeles djal t'menge! T'mer han i bakrengre mire menshenge, oun hounte anans i Israelitaryen har bakre kote, kay hatsenn le lačo zenlepen. Kova krenn t'mer gar. T'mer dikenn kokres ap t'mende, te djal t'menge mishto.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Zakarie 11:15

O baro Devel penas mange palle: “Le touke pale o bakrengro koova, te vess kanna i bakrengro, kay či moldo hi!

Louka 11:40

T'mer hayvan či! O Devel, kay kras o tselo menshes, kras ninna leskro dji.

Louka 11:52

T'mer čačepangre, hoy t'mer krenna, ko hi gar mishto. T'mer lan o klidepaskro krik, hoy krell o voudar ap o Debleskro drom pre. T'mer djan gar ap ko drom. Oun kolla, kay kamenn ap o Debleskro drom te djal, moukenn t'mer gar koy pre.”

1. Korintarja 9:16

Me sikrau i menshende leskro drom gar, te vap sharedo. Na-a, me hounte rakrap lestar. Har bibarhtelo voms, te kroms kova gar!

1. Timoteo 6:4

palle hi yob pre-phourdo oun hayvell či. Yob kamell te čingrell pes hako labeske. Kova hi yaake har i nasslepen. Dran savo koova vell, te zilverenn le, te čingrenn pen le, te rakrenn le djoungeles yek pral o vavareste, te dikell ko yek čilače yakentsa ap o vavareste.

2. Timoteo 3:9

An i tikno tsiro dikella hakeno, kay kova dinlepen hi, hoy yon krenna, har kova ninna pash kolla douy morshende vas.