Ezekiel 13:11 - O Debleskro Lab 2024 (Sinte-Manouche)

¹¹ Pen kolenge, kay makenn parnepen koy pral: “Kay massouri perell khetne!” I zorelo brishin vell, oun brishineskre barra perenn, oun i zorelo dourho phourdell.

O Debleskro Drom 2021 (Sinte)

¹¹ Pen kolenge, kai makenn parnepen koi pral: “Kai massuri perell khetne!” I sorelo brishin well, un brishineskre barra perenn, un i sorelo ducho phurdell.

Ezekiel 13:11 ပူးပေါင်းရင်းမြစ်များ

Hiob 27:21

I tato zorelo dourho hadell les pre, hidjrell les krik, oun phourdell les krik dran peskro kheer.

Hiob 38:22

Val tou yaake dour, kay garau o gib pre? Dikal, kay rikrau i brishineskre barra i tsireske hoy vella?

Hiob 38:23

Kolla rikrau pale ko tsireske, kay douka, kourepen oun marepen venna.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Debleskri gili 32:6

Doleske mangenn tout lauter kolla an, kay tiro hi, an ko tsiro, kay taprell len i daar. Palle, te venn i bare panya, nay taprenn le len gar.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Jesaja 29:6

vell o baro Devel, o ray pral o bolepen oun i phoub, oun lell t'men vin dran lengre vasta. Yob vella bari golyah oun moukell i phoub trissell. Oun o bolepen dell gole, oun i zorelo dourho phourdell pral i phoub, oun bari yag rhal troul peste.

Jesaja 32:19

Ninna te denn brishineskre barra o veesh paash, oun o foro djal tele,

Ezekiel 1:4

Oun me dikom i baro zorelo phourdepen, hoy vas foun kotar kay norden hi, oun tradas i bari folka glan peste. Oun yag vas vin, hoy pre oun tele djas. Oun o bolepen koy trouyel his shoukar har o kham. Oun mashkral dren his čomone, hoy dikas vin har sonakay, hoy an i yag thodo vell.

Ezekiel 13:12

Koy perell koy massouri khetne. Palle poučenn le t'mendar: Kay hi ko shoukar parnepen, hoy makan ap koy massouri?

Ezekiel 38:22

Oun me dau les peskri phagi: I pharo nasslepen oun marepen vell ap leste. Oun zorelo brishin, brishineskre barra, oun yag oun shvefla moukau ap lende tele te vell, ap leste oun ap leskre lourdende, oun ap kol boud lourdende dran vavar themma, kay leha djan.

Nahum 1:3

O baro Devel vell gar sik rhoyedo. Les hi bari zoor, oun čačepah, hakeneste, kay doosh ap peste anas, dell yob peskri phagi. Kote, kay o baro Devel djal, phourdell i zorelo dourho. Oun i volke hi har koy čik, hoy leskre pire pre vitsrenn.

Mateo 7:25

Har das zorelo brishin, oun boud pani vas, oun i zorelo dourho phourdas ap ko kheer, koy peras o kheer gar khetne. Kova his ap i zorelo baro bar tardo.

Mateo 7:27

Har das zorelo brishin, oun boud pani vas, oun i zorelo dourho phourdas ap ko kheer, koy peras ko tselo kheer khetne.”