Ezekiel 13:10 - O Debleskro Lab 2024 (Sinte-Manouche)

¹⁰ Yon anenn mire menshen o čačo dromestar tele, oun penenn: “Lauter hi mishto.” Oun čačepah, či hi mishto. Mire menshe kran pen i massouri dran barra, hoy rikrenn gar. Oun i rakepangre van, oun makan lat parnes.

O Debleskro Drom 2021 (Sinte)

¹⁰ Jon anenn mire menshen o tchatcho dromestar tele, un penenn: “Lauter hi mishto.” Un tchatchepah, tchi hi mishto. Mire menshe kran pen i massuri dran barra, hoi rikrenn gar. Un i rakepangre wan, un makan lat parnes.

Ezekiel 13:10 ပူးပေါင်းရင်းမြစ်များ

2. Rajengro liil 21:9

I menshe an o them Youda shounan gar ap o baro Debleste. Oun o Manasse anas len ap o čilačo drom; oun yon djivan čilačeder har kol vavar menshe, kolen o baro Devel glan o Israel krik tradas.

2. Familjakro liil 18:12

Oun ko bičepaskro, kay vas pash o Mika, te anell lo les, penas leske: “Shoun ap mande! Kol laba, hoy rakran i dikepangre, hi har yek lab rakedo, lačo o baro rayeske. Rake tou kanna ninna yaake, har yon rakran, oun rake lače laba!”

Gosewe laba 12:26

Kova, kay an o čačepen tardo hi, hatsell peskro drom. I čilačen anell pengro drom kote, kay djan le nashedo.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Jesaja 57:21

Kek lačo koova hi i čilačenge, penell miro Devel.

Jeremia 14:13

Koy penom me: Baro Devel, miro ray, tire rakepangre penan lenge: Kek kourepen oun kek bok vell pash t'mende. O baro Devel krell, te vell kek kourepen pash t'mende an kek tsiro.

Jeremia 23:17

Kolenge, kay san pral o baro Debleskro lab, penenn le: T'menge djal mishto an ko tsiro, hoy vella! Oun kolenge, kay djan pal pengro shero, penenn le: Kek bibarht vell pral t'mende.

Jeremia 23:32

Me kourau man kolentsa, kay rhorhene sounya rakrenna, oun anenn mire menshen o čačo dromestar tele lengro rhorhepah oun dinelo rakepah. Me bičrom len gar, oun dom len kek lab, te penenn le kova doureder. Yon molenn či mire menshenge, penell o baro Devel.

Jeremia 28:9

I rakepaskro, kay penell barht glan-vi, kolestar djinenn le gar, hi lo bičedo o baro Deblestar oder gar. Kova vell diklo, te vell kova čačo, hoy lo glan-vi penas.”

Jeremia 4:10

Koy penom me: Baro Devel, miro ray, tou rhorhral kol menshen an Yerusalem an, har tou penal, kay kek kourepen mashkral lende vell. O rharo hi koy oun kamell len moulo te dell.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Jeremia 50:6

Mire menshe hi har nashede bakre. Lengre bakrengre anan len o čačo dromestar tele. Yaake nashran le pen ap i berge. Pral tikne oun bare berge hounte nashan le, oun bistran, kay le khere hi.

Jeremia 6:14

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 8:11

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 8:15

Mer patsam, kay vell lauter mishto. Či vas mishto! Mer kamams, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Ezekiel 13:16

Kolla hi i rakepangre an o them Israel, kay dan glan, te vals len i lab o Deblestar oun penan i menshenge an Yerusalem glan-vi “lauter hi mishto”, ninna te hi či mishto. Kova penau me, o baro Devel, t'maro ray.

Ezekiel 22:28

Oun o Debleskre rakepangre čakrenn kolengro tselo čilačepen lače labentsa. Yon rakrenn pral čomone, hoy sikroms lenge. Oun me sikrom len či. Oun yon penenn rhorhepen glan-vi, oun penenn: “Kava penell o baro Devel, maro ray”, kay me lenge či penom.

Ezekiel 7:25

I daar vell bari. Čičeske rodenn le i khatepen, kay djal lenge či. Kek hatsenn le.

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Micha 2:11

Te voms me i morsh, kay nashell o dourho palla, oun rakroms o rhorhepen, oun me penoms: “Piyenn boud mool oun vavar pipen!” Palle penans t'mer mandar: “Havo lačo rakepaskro hi kava morsh!”

Maleachi 3:15

Doleske sharas mer kolen, kay phourdenn pen pre pral o baro Debleste. Kol čilačenge djal mishto. Ninna te krenn le, hoy o Devel gar kamell, krell lo lenge či. Kek bibarht vell pral lende.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

1. Timoteo 4:1

O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

1. Johanni 2:26

Kava činom t'menge, te moukenn t'men gar o Debleskro dromestar tele te anell.

Debleskro tsiro 2:20

Yek koova hi gar mishto pash t'mende. T'mer moukenn koy djouvel Isebel te rakrell, hoy yoy kamella, koya, hoy penell, te hi li o Debleskri rakepaskretsa. Yoy tserdell mire boudepangren o Debleskro dromestar tele oun penell lenge, te nay djan i morsha pash vavar djouvyende, oun i djouvya pash vavar morshende. Ninna penell li lenge, te nay rhan le ko mass, hoy vavar menshe glan pengro debleste anan.