Ezekiel 12:6 - O Debleskro Lab 2024 (Sinte-Manouche)

⁶ Glan lengre yaka le halauter ap tiri phik! Oun har tamlo vas, dja vin! Oun čip i diklo troul tire yaka, yaake te dikess gar o them, hoy moukeh. Kamau, te vess i sikepen i Israelenge, hoy sikrell lende, har dau len trad.

O Debleskro Drom 2021 (Sinte)

⁶ Glan lengre jaka le halauter ap tiri phik! Un har tamlo was, dja win! Un tchip i diklo trul tire jaka, jaake te dikess gar o them, hoi mukeh. Kamau, te wess i sikepen i Israelenge, hoi sikrell lende, har dau len trad.

Ezekiel 12:6 ပူးပေါင်းရင်းမြစ်များ

Ezekiel 4:3

Oun le touke i bobeskro saster, oun čip les pre mank toute oun o foro, har te vals lo i massouri! Oun palle dik ap o foro, oun kre yaake, har te pandals les dren. Kova hi i sikepen i Israelenge, hoy sikrell lende, hoy pral lende vella.

Ezekiel 24:24

O Ezekiel hi i sikepen t'menge. Yaake har yob kras, krenn t'mer palle ninna. Ap ko dives, kay vell kova, djinenn oun hayvenn t'mer, te hom me o baro Devel, t'maro ray.

Jesaja 8:18

Me oun kol čaven, kay o baro Devel man das, ham har i sikepen, hoy sikrell, hoy kamell o baro Devel te krell an Israel, yob, ko ray pral o bolepen oun i phoub, kay hi khere ap i berga Sion.

1. Samuel 28:8

Oun o Saul kras pes yaake, te prindjrell les kek pale, oun rivas vavar koola an, oun djas koy pash late. Oun yob las gomme douy morshen peha. Oun yon van an i rat pash koy djouvyate. Oun o Saul penas: “De i moules mange gole, oun dourke mange, hoy vella! Me penau touke, kones te less pre!”

Hiob 24:17

Kali rat hi lenge lauterenge har vavarenge i tsalla. An i rati hi len kek daar.

2. Samuel 15:30

O David djas ap o djeteskri berga oun rovas. Oun leskro shero his čakedo. Oun yob djas pirkenes. Ninna kol tsele menshe, kay hi pash leste, kolengro shero his čakedo. Yon djan pre oun rovan.

Ezekiel 12:5

Glan lengre yaka phage barra dran i massouri vin, oun hidje tiro koova koy vin.

Ezekiel 12:13

Me, o baro Devel, vitsrau miri netsa pral leste vin, te vell lo tapedo an mire dorya. Oun pandles vell lo an o them anlo, kay i Babilonarya djivenn. Ko them nay dikell lo gar. Oun kote merell lo.

2. Rajengro liil 7:5

Oun har i rat vas, djan le, te venn le pash kol lourdende dran Syria. Oun har yon kote van, his kek bouder koy.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.