Ezekiel 12:4 - O Debleskro Lab 2024 (Sinte-Manouche)

⁴ Ap o dives hidje ko koova hoy touha leh vin dran o kheer, te hounte dikenn le les. Oun rati dja vin glan lengre yaka, yaake har yek vin djal, kay djal an o pandepen.

O Debleskro Drom 2021 (Sinte)

⁴ Ap o diwes hidje ko koowa hoi tuha leh win dran o kheer, te hunte dikenn le les. Un rati dja win glan lengre jaka, jaake har jek win djal, kai djal an o pandepen.

Ezekiel 12:4 ပူးပေါင်းရင်းမြစ်များ

2. Rajengro liil 25:4

Kote phagan i Babilonarya an o foro dren. Oun an koy rati nashan i tsele kourepangre vin dran ko voudar mashkral kol douy massurya, hoy hi pash o rayeskro baar, ninna te his i Babilonarya troul o foro čiddo. Koy nashas o Sedekya peskre lourdentsa an o telstouno them, kay o pani Yordan nashell.

Jeremia 39:4

Har o Sedekya, ko ray pral o them Youda, oun leskre lourde kova dikan, nashan le penge rati dran o foro vin, ap ko drom, hoy djal an o rayeskri baar. Kote his i voudar mashkral kol douy massurya. Dran ko voudar nashan le penge ap koy rig, kay o telstouno them o panyestar Yordan hi.

Jeremia 52:7

Kote phagan i Babilonarya an o foro dren. Oun an koy rati nashan i tsele kourepangre vin dran o foro, oun djan dran ko voudar mashkral kol douy massurya, ap o drom, hoy djal pash o rayeskri baar. Oun i Babilonarya his troul o foro čiddo. Har djan i kourepangre ko drom, hoy djal an o telstouno them, kay o pani Yordan nashell,

Ezekiel 12:12

Oun o ray pral lende lell peskro koova ap i phik oun djal vin an o tamlepen. Oun yon phagenn barra vin dran i massouri, te hidjrell lo peskro koova kote vin. Troul peskre yaka pandell lo i diklo, te dikell lo gar o them.

Ezekiel 12:5

Glan lengre yaka phage barra dran i massouri vin, oun hidje tiro koova koy vin.