Ezekiel 12:2 - O Debleskro Lab 2024 (Sinte-Manouche)

² Tou, mensho, djiveh mank save menshende, kay moukenn pen či te penell. Kolen hi yaka, te dikenn le, oun kamenn či te dikell. Oun len hi kanda, te shounenn le, oun kamenn gar te shounell. Yon moukenn pen či te penell.

O Debleskro Drom 2021 (Sinte)

² Tu, mensho, djiweh mank sawe menshende, kai mukenn pen tchi te penell. Kolen hi jaka, te dikenn le, un kamenn tchi te dikell. Un len hi kanda, te shunenn le, un kamenn gar te shunell. Jon mukenn pen tchi te penell.

Ezekiel 12:2 ပူးပေါင်းရင်းမြစ်များ

2. Rajengro liil 17:14

Yon kaman gar te shounell, oun pandan pengre djia har lengre phoure ninna kran, kay patsan gar lengro baro Debles.

2. Rajengro liil 17:15

Oun yon rikran gar leskre laba. Oun ko lab, hoy das lo lengre phourende, kay lo penas, te hi lo lengro Devel oun yon leskre menshe, ko lab his lenge či moldo. Yon moukan pen gar lestar trad te dell, oun nashan kol deblen palla, hoy či molenna. Oun yaake djivan le čičeske. Yon kran savo koova har kol menshe an i themma troul lende, kolendar o baro Devel lenge penas, te krenn le gar har yon krenna.

Debleskri gili 78:40

Boud kope hadan le pen ap leste an o moulo tato them, oun doukran leskro dji.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 30:1

O baro Devel penell: Djungeles djal mire čavenge, kay mandar tele peran, oun kay penge kova glan lan, te krenn le hoy gar mandar vin djas. Yon čivenn pen vavarentsa khetne, har me kova gar kamau. Oun yaake anenn pale te pale le doosh ap pende.

Jesaja 30:9

Kal menshe peran mandar tele. Har čave hi le, kay rakrenn rhorhepen, oun kamenn gar mire laba te shounell.

Jesaja 43:8

An kay glan mande kol menshen, kay korele hi, ninna te hi len yaka, oun kolen, kay shounenn gar, ninna te hi len kanda!

Jesaja 44:18

Kolla, kay mangenn i figuren an, hayvenn či, kek gosvepen hi an lende, lengre yaka hi pandlo, te nay dikenn le či. Oun lengro dji hayvell či.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Jesaja 65:2

Me rikrom o tselo dives mire vasta vin kol menshenge, kay kaman gar ap mande te shounell, oun djan i drom, hoy gar mishto hi, oun djivenn pal pengro shero.

Jeremia 4:17

Yon čivenn pen trouyel o foro Yerusalem, har kol morsha, kay denn garda ap i kotar phoub. T'mer menshe an Yerusalem moukan t'menge či mandar te penell. Kova penell o baro Devel.

Jeremia 5:21

Shounenn kay, t'mer menshe, kay t'men či an o shero hi, kay len yaka hi, oun dikenn či, kay len kanda hi oun shounenn či!

Jeremia 5:23

Kal menshe djan pal lengro shero, oun kamenn gar te shounell. Yon djan mandar krik oun djan pengro drom.

Jeremia 7:26

T'mer shounan gar ap mande, oun dan kek garda ap mire laba. T'mer djan pal t'maro shero, oun kran boudeder čilačepen har t'mare phoure.

Ezekiel 12:1

Oun o baro Devel penas ap mande:

Ezekiel 12:25

Me, o baro Devel, penau ap t'mende! Kova, hoy me rakrau, vell ninna, oun vell an i tikno tsiro. T'menge, kay moukenn t'men či te penell, penau me: Yaake rah har t'mer djivenn, krau, te vell čačo, hoy penom. Kava penau me, o baro Devel, t'maro ray.

Ezekiel 17:12

Pen kol menshenge, kay moukenn pen či te penell: Hayvenn t'mer gar, hoy kova kamell te penell? O baro ray dran o them Babilonia vas an Yerusalem, oun las leskro baro rayes oun leskre pralstunen pandles, oun anas len pash peste an o foro Babilon.

Ezekiel 2:3

Tou, mensho, me bičrau tout pash i Israelitarya. Kolla hadan pen oun peran mandar tele. Ninna lengre phoure hadan pen pale te pale pral mande. Oun kolla, kay kava dives djivenn, hi gar vavarčandes.

Ezekiel 24:3

Pen mire menshenge, kay moukenn pen či mandar te penell, save laba, hoy sikrenn lenge, har kova lenge vella! Pen lenge: Kava penell o baro Devel, maro ray: Čip i piri pral i yag, oun čip ninna pani dren!

Ezekiel 3:9

Ava, krau tout zorelo har i bar, ava yaake zorelo har i diamanto. Ma dare lendar, mouk touke kek traash te krell lendar. Yon hi menshe, kay moukenn pen či te penell.

Ezekiel 44:6

Ap i Israelitaryen, kay hi save menshe kay moukenn pen či te penell, pen: Kava penell o baro Devel, maro ray: T'mer dran o kheer Israel, moukenn tele t'maro tselo djoungelo koveha!

Markus 4:12

te nay dikenn le kova pengre yakentsa, oun hayvenn les gar, oun te nay shounenn le les, oun hayvenn les gar, te venn le gar pash o Debleste, te lell lo lengri doosh lendar.

Louka 8:10

Penas lo ap lende: “O Devel moukell t'men te hayvell, har kote djal, kay dell lo menshen pash peste gole, te djan le ap leskro drom. Kova djinenn i vavar menshe gar. Lenge penau laba, kay o čačepen dren khatedo hi. Me rakrau yaake, te dikenn le kova nay, oun hayvenn les gar, oun yaake, te shounenn le les nay, oun hayvenn les gar.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

Efesarja 4:18

O Deblestar kamenn le či te djinell. Lengro dji hi har i bar. Yaake djan le ap i čilačo drom, oun prindjrenn ko djipen gar, hoy o Devel della.

5. Mose 29:3

Oun bis ap kava dives das o baro Devel t'men gomme gar djia, hoy hayvenn oun yaka, hoy nay dikenn oun kanda, hoy nay shounenn.

5. Mose 29:4

40 (star-deesh) bersha djas lo glan t'mende an o moulo tato them: T'mare koola djan gar paash, oun t'mare kirrha ap t'mare pire nashan pen gar tele.

5. Mose 31:27

Me djinau, har djan t'mer pal t'maro shero oun kamenn gar te shounell. Ninna kanna, kay gomme pash t'mende djivau, moukenn t'menge či o baro Deblestar te penell. Har vell kova, te hom moulo?”

5. Mose 9:24

Yaake rah har prindjrau t'men, hi t'men sherya har barra oun krenn gar, hoy o baro Devel t'menge penell.

5. Mose 9:7

Ma bistrenn, har rhoyran t'maro baro Debles an o moulo them, Ko divesseha har djan t'mer vin dran o them Egiptia bis te van kate, kay kanna han, kaman gar ap leste te shounell.