Ezekiel 11:9 - O Debleskro Lab 2024 (Sinte-Manouche)

⁹ Me tradau t'men dran ko foro vin, oun dau t'men an o vast i menshendar dran i vavar them, oun moukau len te denn le t'menge t'mari phagi.

O Debleskro Drom 2021 (Sinte)

⁹ Me tradau tumen dran ko foro win, un dau tumen an o wast i menshendar dran i wawar them, un mukau len te denn le tumenge tumari phagi.

Ezekiel 11:9 ပူးပေါင်းရင်းမြစ်များ

2. Rajengro liil 24:4

oun maras boud saven, kay kek čilačepen kran, oun anas lengro rat pral peste. Oun o tselo foro Yerusalem his pherdo rat. Kava koova kamas o baro Devel gar te bistrell.

Esra 9:7

Ko tsirestar, kay mare phoure djivan, bis ap kava dives anam mer boud doosh ap mende, oun dran maro djounglepen dal men, mare rayen oun rashayen an i vavar rayengre vasta, kay an i themma troul mende djivenn. O rhareha maran le men, an o stilepen vitsran le men, oun yon čoran men vin, oun anan ladj ap mende, yaake har ninna kava dives hi.

Debleskri gili 106:30

Kote stas o Pinhas pre, oun das len i phagi, oun ko nasslepen djas krik.

Debleskri gili 106:41

Yob das len an o vast i menshendar an vavar themma, te venn kolla ray pral lende, kay dikan čilače yakentsa ap lende.

Sikepaskro 8:11

Ko mensho, kay kras čilačo koova, lell gar sik pal kova peskri phagi. Doleske rikrenn pen i menshe gar pale, te krenn le pengro djoungelo koova doureder.

Jeremia 29:20

Kanna shounenn, t'mer lauter dran o foro Yerusalem, kay pandles krik anlo han an o them Babilonia! Shounenn, hoy moukell o baro Devel t'menge te penell:

Jeremia 39:6

Kote an o foro Ribla moukas o baro ray dran o them Babilonia i tsele čaven o Sedekyestar glan leske yaka te marell. Oun kote moukas lo ninna i tsele pralstunen dran o them Youda te marell.

Ezekiel 11:7

Doleske penau me, o baro Devel, t'maro ray: Kolen, kay t'mer an o foro moulo dan, kolla hi o mass, oun o foro hi i piri. T'men vitsrenn le dran leste vin.

Ezekiel 16:38

Oun me dau tout savi phagi, har kol djouvya lenna, kay rhorhran pengro romes oun maran i menshes. Oun me moukau miri zoreli rholi pral toute te vell.

Ezekiel 16:41

Oun tire khera rhačrenn le an i yag pre, oun denn tout tiri phagi glan i yaka boud djouvyendar. Yaake krau, te nay loubreh bouder gar trouyel, oun nay gineh touke bouder kek pirnes.

Ezekiel 21:31

Me, o baro Devel, tiro ray, penau touke: Krik ko dikleha troul tiro shero! Le i rayeskri stadi tele! Či ačell har his. Kova, kay pral his, vell tele. Oun kova, kay tele his, vell pral!

Ezekiel 30:19

Yaake dau o them Egiptia peskri phagi, te dikenn oun hayvenn le, te hom me o baro Devel.

Ezekiel 5:10

I tsiro vell, kay rhan dada pengre čaven mashkral an Yerusalem, oun čave rhan pengre daden. Yaake pharo vell miri phagi, hoy dau t'mende. Oun halauter, kay t'mendar pral ačenn, venn vin tradedo ap hake rigya.

Ezekiel 5:15

Ava, yon san pral toute oun praasenn tout. Lenge vell traash, te dikenn le, har miri bari rholi pral toute vell, oun har djoungeles save menshenge djal, kay man moukan. An miri rholi anau tiri doosh ap toute pale. Me, o baro Devel, rakrom.

Ezekiel 5:8

Doleske shounenn, t'mer menshe an Yerusalem, hoy penau me, o baro Devel, t'maro ray: Kanna sikrau les t'menge! Oun dau t'men t'mari phagi glan i yaka kol vavar menshendar.

Johanni 5:27

Yob hi o Mensheskro Čavo. Oun o Devel das an leskro vast, te rakrell lo i phagi vin pral i menshende.

Remarja 13:4

O Devel das len pengri boudi, te djal touke lačes. Tou te kre čilačo koova, palle hounte daress tou lendar. Hi gar čičeske, te vell len i zoor, te denn le i phagi. O Devel das len koy boudi, te denn le kolen i phagi, kay kran i čilačo koova.

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.

Judas 1:15

Yob vell, te rakrell lo o čačepen vin pral i tsele menshende, oun te dell lo kolen i phagi, kay djan gar ap o Debleskro drom oun kran gar, hoy yob kamas, oun čingran ap leste čilače labentsa.