Ezekiel 11:2 - O Debleskro Lab 2024 (Sinte-Manouche)

² Oun o baro Devel penas ap mande: Tou, mensho, kalla hi kol morsha, kolen čilačepen glan hi. Te poučenn i menshe an o foro lendar: “Hoy hounte kras mer?” Palle penenn le lenge savo koova, hoy anell len an i bibarht.

O Debleskro Drom 2021 (Sinte)

² Un o baro Dewel penas ap mande: Tu, mensho, kalla hi kol mursha, kolen tchilatchepen glan hi. Te putchenn i menshe an o foro lendar: “Hoi hunte kras mer?” Palle penenn le lenge sawo koowa, hoi anell len an i bibacht.

Ezekiel 11:2 ပူးပေါင်းရင်းမြစ်များ

Ester 8:3

Oun i Ester rakras i vavar kopo o baro rayeha, oun vitsras pes glan leskre herya tele, oun rovas ap leste oun mangas lestar, te vell ko čilačepen gar pral i biboldende, hoy kamas o Haman i menshendar Agag, pral lende te anell.

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Debleskri gili 36:5

Te hi lo ap peskro čiben čiddo, djal o čilačepen an leskro shero trouyel. Oun yob rikrell zoreles ap i drom, hoy gar mishto hi, oun rikrell pes gar pale, te krell lo o čilačepen.

Debleskri gili 52:2

har o Doeg, ko morsh dran o them Edom, pash o Saul vas, oun leske penas: “O David hi pash o Ahimelek.”

Jesaja 30:1

O baro Devel penell: Djungeles djal mire čavenge, kay mandar tele peran, oun kay penge kova glan lan, te krenn le hoy gar mandar vin djas. Yon čivenn pen vavarentsa khetne, har me kova gar kamau. Oun yaake anenn pale te pale le doosh ap pende.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jeremia 18:18

Koy hi menshe, kay penenn: Avenn, te rakras koy pral, havo čilačepen mer nay krah ap o Yeremia. Men hi doha rashaya, kay nay sikrenn men maro drom, oun doha goseve, kay nay penenn menge, hoy te kras, oun doha Debleskre rakepangre, kay nay penenn menge o Debleskre laba. Mer tapras les leskre labentsa, oun das či ap leskro rakepen!

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom oun nay penenn mange, hoy an i yaka lengro Deblestar mishto hi. Palle hayvom: Ninna kolla kaman gar, te vell yob lengro ray, oun kaman gar ap leste te shounell.

Ezekiel 7:26

Bibarht pal bibarht vell. Pale te pale shounenn le, havo djoungelo koova vas. Čičeske djan le pash o Debleskre rakepangre, oun poučenn lendar, hoy o baro Devel sikras len. Vitar gar i rashaya nay penenn lenge, hoy te krenn le. Oun i phoureder djinenn kek drom vin dran o merepen.

Nahum 1:11

Dran toute, Ninive, vas ko morsh, kay hadas pes pral o baro Debleste, oun koles čilačepen an o shero his.