Ezekiel 10:6 - O Debleskro Lab 2024 (Sinte-Manouche)

⁶ Oun har penas o baro Devel ko morsheske, kay his rido an layntikro than, te djal lo mank i rade oun mank i bolepangre, te lell lo yag, djas ko morsh mank lende oun ačas tardo pash yek rada.

O Debleskro Drom 2021 (Sinte)

⁶ Un har penas o baro Dewel ko mursheske, kai his rido an laintikro than, te djal lo mank i rade un mank i bolepangre, te lell lo jag, djas ko mursh mank lende un atchas tardo pash jek rada.

Ezekiel 10:6 ပူးပေါင်းရင်းမြစ်များ

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.

Ezekiel 10:2

Oun o baro Devel penas ap ko morsheste, kay his rido an layntikro than: Dja mashkral kol rade tel i bolepangre, oun le tire vasta pherdo yagengro kasht, hoy rhačell, oun mashkral kol bolepangre hi. Oun vitse les pral o foro vin. Oun ko morsh djas glan mire yaka mank kol rade.

Ezekiel 10:5

Oun kol čirklengre moussya foun kol bolepangre kran yaake bari gole, har te rakrell o zorelo Devel. Oun me shounom lat ninna an koy bari glanstouni platsa.

Ezekiel 10:7

Kote čivas yek kol bolepangrendar peskro vast vin, oun las koy yagatar, hoy mashkral kol bolepangre his, oun das lat an i vasta ko morshestar, kay his rido an layntikro than. Oun kova las koy yag oun djas vin.

Daniel 7:9

Oun me dikom har bare rayengre beshepangre pre-čiddo van. Oun yek, kay boud phouro his, beshas pes. Leskro ripen his parno har gib. Oun leskre balla ap leskro shero his parno har bakrengro bal. Oun leskri beshepaskri his har i bari yag. Oun i rade tel i beshepaskri his har i yag, hoy pre oun tele djal.