Ezekiel 1:8 - O Debleskro Lab 2024 (Sinte-Manouche)

⁸ Ap lengre star rigya his len menshengre vasta tel lengre čirklengre moussya, tel haki čirklengri moussi yek vast. Hakenes kol starendar his yaka oun i mouy ap hake star rigya leskro sherestar. Oun hakenes his star čirklengre moussya.

O Debleskro Drom 2021 (Sinte)

⁸ Ap lengre star rigja his len menshengre wasta tel lengre tchirklengre mussja, tel haki tchirklengri mussi jek wast. Hakenes kol starendar his jaka un i mui ap hake star rigja leskro sherestar. Un hakenes his star tchirklengre mussja.

Ezekiel 1:8 ပူးပေါင်းရင်းမြစ်များ

Jesaja 6:6

Oun yek kol yagengre bolepangrendar vas pash mande. Oun yob las i yagakri forshetta an leskro vast, oun las kolah i kotar kasht, hoy rhačell, o Debleskro rhačepaskri tele.

Ezekiel 1:17

Te djan le, nay djan le ap hake star rigya, oun yon rissran pen gar trouyel.

Ezekiel 10:11

Te djan le, nay djan le ap hake star rigya. Oun yon rissran pen gar trouyel. Kote, kay i glanstouni djas, ap koy rig djan i vavar ninna. Oun yon rissran pen gar trouyel.

Ezekiel 10:18

Oun o baro Debleskro raylepen, hoy his pash o voudar o kherestar, djas pale krik oun hadas pes pral kol bolepangre.

Ezekiel 10:2

Oun o baro Devel penas ap ko morsheste, kay his rido an layntikro than: Dja mashkral kol rade tel i bolepangre, oun le tire vasta pherdo yagengro kasht, hoy rhačell, oun mashkral kol bolepangre hi. Oun vitse les pral o foro vin. Oun ko morsh djas glan mire yaka mank kol rade.

Ezekiel 10:21

Hakenes lendar his yaka oun i mouy ap hake star rigya leskro sherestar. Oun hakenes his star čirklengre moussya, oun tel kol čirklengre moussya har vals len menshengre vasta.

Ezekiel 8:3

Oun yob čivas čomone har i vast pal mande vin, oun tapras man ap mire balla ap o shero. Oun an ko dikepen, hoy dikom, oun hoy vas o Deblestar, hadas man o dourho pre dour pral i phoub, oun anas man an o foro Yerusalem pash o baro voudar, hoy hi ap i nordetikri rig, glan koy platsa, hoy djal troul o Debleskro kheer. Kote his i figura tardo, hoy i menshe an-mangan, oun pral kolate o baro Devel bares rhoyedo his.