Ezekiel 1:13 - O Debleskro Lab 2024 (Sinte-Manouche)

¹³ Mashkral kol star bolepangre his čomone, hoy dikas vin har kasht, hoy loles rhačell, oun har lengste kashta, hoy loles rhačenna oun yek rigyatar ap i vavar mank kol bolepangre nashenn. Oun koy yag his lolo, oun dran late das yag karye vin.

O Debleskro Drom 2021 (Sinte)

¹³ Mashkral kol star bolepangre his tchomone, hoi dikas win har kasht, hoi loles chatchell, un har lengste kashta, hoi loles chatchenna un jek rigjatar ap i wawar mank kol bolepangre nashenn. Un koi jag his lolo, un dran late das jag karje win.

Ezekiel 1:13 ပူးပေါင်းရင်းမြစ်များ

1. Mose 15:17

Oun har o kham tele djas oun rati vas, dikas o Abram i bob, dran koleste i yagakro dourho pre djas. Oun yag djas mank kol kotya mass.

Debleskri gili 104:4

O dourho, hoy phourdell tel o bolepen, hi tiro bičepaskro. Oun i yag hi tiro boudepaskro.

Ezekiel 1:7

Yon his tardo har menshe. Oun lengre pire his har groumyengre pire. Kolla his har lolo saster, hoy an i yag thodo vell.

Ezekiel 10:2

Oun o baro Devel penas ap ko morsheste, kay his rido an layntikro than: Dja mashkral kol rade tel i bolepangre, oun le tire vasta pherdo yagengro kasht, hoy rhačell, oun mashkral kol bolepangre hi. Oun vitse les pral o foro vin. Oun ko morsh djas glan mire yaka mank kol rade.

Daniel 7:9

Oun me dikom har bare rayengre beshepangre pre-čiddo van. Oun yek, kay boud phouro his, beshas pes. Leskro ripen his parno har gib. Oun leskre balla ap leskro shero his parno har bakrengro bal. Oun leskri beshepaskri his har i bari yag. Oun i rade tel i beshepaskri his har i yag, hoy pre oun tele djal.

Mateo 28:3

Leskro mouy rhačas har i zoreli momeli. Oun leskro ripen his parno har i gib.

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

Debleskro tsiro 10:1

Oun me dikom i vavar zorelo bolepaskres dran o bolepen tele te vell. I folka his troul leste har i ripen. Oun i brishineskro bogo his ap leskro shero. Leskro mouy his har o kham, oun leskre herya har dran yag.

Debleskro tsiro 18:1

Pal kova dikom i vavar bolepaskres, kay dran o bolepen tele vella. Koles his i bari zoor. Oun i phoub vas pherdo leskro raylepen.

Debleskro tsiro 4:5

Oun kotar, kay ko rayeskro beshepaskro hi, das yag karye pral oun tele, oun vas i bari gole vin, har koy gole, hoy o bolepen krella, te dell baro brishin oun te djal yag tele ap i phoub. Oun glan o rayeskro beshepaskro rhačan efta yaga. Kol efta yaga hi o Debleskro Dourho.