Esra 9:9 - O Debleskro Lab 2024 (Sinte-Manouche)

⁹ Mer hams pandle boudepangre, oun tou, maro Devel, moukal men gar kokres an maro pandepen. Tou kral, te dikan i raya pral o them Persia lačes ap mende, oun dal men nevi zoor, te nay čivas mer tiro kheer pale pre, yaake te vas dran kol paash dine oun rhačede barra i nevo kheer touke. Kova kral tou, te djivas mer pale an o them Youda oun an o foro Yerusalem kek trashah.

O Debleskro Drom 2021 (Sinte)

⁹ Mer hams pandle budepangre, un tu, maro Dewel, mukal men gar kokres an maro pandepen. Tu kral, te dikan i raja pral o them Persia latches ap mende, un dal men newi soor, te nai tchiwas mer tiro kheer pale pre, jaake te was dran kol paash dine un chatchede barra i newo kheer tuke. Kowa kral tu, te djiwas mer pale an o them Juda un an o foro Jerusalem kek trashah.

Esra 9:9 ပူးပေါင်းရင်းမြစ်များ

Esra 2:68

Oun har i pralstoune pral pengre familyen pash o baro Debleskro kheer an o foro Yerusalem van, dan yon pendar love, te nay vell o Debleskro kheer pre-čiddo kote kay lo tardo his.

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Esra 7:8

An o pančto čon an kava bersh van le kote an.

Esra 9:10

Oun kanna, maro Devel, hoy te penas pal kava tselo koova? Mer djivam gar pal tire laba,

Nehemia 2:17

Kanna penom ap lende: “T'mer dikenn kay bibarht, an kalate mer ham: o tselo foro Yerusalem hi paash dino koy čiddo. Oun leskre voudya hi tele rhačedo. Avenn, te čivas mer i massurya troul o foro Yerusalem pale pre, yaake te nay praasenn le men gar bouder.”

Nehemia 9:17

Oun yon kaman gar te krell, hoy tou lenge penal, oun bistran ko tselo baro koova, hoy tou lenge kral, hoy kek vavar nay krella. Yon kran pengre djia pandlo har bar. Oun rodan yekes vin, te vell lo lengro ray, oun anell len pale an o them Egiptia, an pengro pandepen. Tou hal i Devel, kay i doosh krik lell, oun hal kamlo oun kreh tiro dji pre i menshenge. Tou veh gar sik rhoyedo oun tiro lačepen hi baro. Oun tou djal gar lendar.

Debleskri gili 109:12

Kek te krell leske lačepen, oun kek krell peskro dji pre leskre čavenge.

Debleskri gili 138:7

Ninna te hom an i daar, deh tou man nevi zoor, oun čiveh tout kolenge an o drom, kay kamenn mange čilačepen te krell. Tiri zoryah veh tou ap miri rig.

Jesaja 14:3

Oun an ko tsiro lell o baro Devel i Israelitaryen vin dran lengre douka oun lengro ropen oun lengri phari boudi, hoy yon hounte kran.

Jesaja 5:2

Oun yob rissras koy phoub, oun las i tsele barra krik, oun čivas vi-rodede, lače drakengre rouka an koy phoub. Oun yob čivas i turmo pre tardo mashkral dren. Oun hadas i grouba vin, kay venn i drake vin stakedo, te vell o mool vin. Oun palle dikas lo ap ko tsiro, kay venn i drake bares, – lače drake, patsas lo. Har ko tsiro vas, van divye shoutle drake baro.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Jesaja 61:4

Kol phoure forya, hoy yaake rah tele phagedo oun paash dino koy čiddo hi, čivenn yon pale pre. Kal forya, kay boud bersha bouder kek djivell, venn pale neves kerdo.

Ezekiel 11:16

Doleske pen: Kava penell o baro Devel, maro ray: Ava, me tradom len dour krik an vavar themma, oun mank vavar menshende. Ninna te djivenn le kate te kote an boud themma, oun hi bouder gar khetne, hom me pash lende, te nay mangenn le man an, an kol themma, kay le anlo van.

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.

Haggai 1:9

T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

Zakarie 2:5

An i vavar dikepen dikom i terno morshes i doryah an peskro vast, te dikell lo pal, har baro čomone hi.