Esra 9:1 - O Debleskro Lab 2024 (Sinte-Manouche)

¹ Har kova halauter kerdo his, van i pralstoune pash mande oun penan: “I menshe dran Israel, i rashaya oun i Levitarya rikran pen gar pale i vavar menshendar, kay djivenn an kava them: kol Kanaanitarya, Hetarya, Perisarya, Yebousarya, Ammonarya, Moabarya, Egiptarya oun Amorarya. i Israelitarya krenn yaake djoungelo koova har kolla.

O Debleskro Drom 2021 (Sinte)

¹ Har kowa halauter kerdo his, wan i pralstune pash mande un penan: “I menshe dran Israel, i rashaja un i Levitarja rikran pen gar pale i wawar menshendar, kai djiwenn an kau them: kol Kanaanitarja, Hetarja, Perisarja, Jebusarja, Ammonarja, Moabarja, Egiptarja un Amorarja. i Israelitarja krenn jaake djungelo koowa har kolla.

Esra 9:1 ပူးပေါင်းရင်းမြစ်များ

1. Mose 15:16

Oun pal star menshengro phourepen venna tire menshe kate pale. Koy doosh kolendar, kay kanna kate djivenn – kolla hi i Amorarya – hi kanna gar bares doha, te tradap len vin.”

1. Rajengro liil 11:1

O baro ray Salomo romedineras boud djouvyen dran vavar themma: koy čay o baro rayestar pral o them Egiptia, ninna djouvya dran i themma Moab, Ammon, oun Edom, dran o foro Sidon oun i menshendar Het.

2. Familjakro liil 33:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

2. Familjakro liil 8:7

I tsele menshe, kay pral ačan kolendar, kay glan i Israelitarya an o them djivan, oun kolen i Israelitarya maran gar, kolengre čave, kay pal lende van, kolen las o Salomo, te venn le leskre boudepangre, kay hounte boudrenn leske. Kova hi ninna kava dives yaake. Yon his Amorarya, Hetarya, Perisarya, Hivarya, oun Yebousarya.

Esra 10:2

Oun o Shekanya, koleskro dad o Yehiel his, i menshendar Elam, penas ap o Esra: “Ava, mer peram maro Deblestar tele, har lam menge romyen vavar menshendar, kay kate an kava them djivenna. Oun kanna dell gomme i drom menge, i Israelitaryen, te vas mer dran kava tselo koova vin!

Esra 10:8

Oun koon gar vell an triin divessa, yaake har i pralstoune oun i phoureder penan, koleskro bravlepen oun halauter hoy les hi, hounte vell lestar krik lino. Oun yob te vell infam kerdo oun nay djivell bouder gar mank peskre menshende, kay van vin dran o pandepen an o them Babilonia.”

Nehemia 13:23

An ko tsiro dikom me bibolden, kay lan penge romyen dran o Filistarengro foro Ashdod, ninna dran i themma Ammon oun Moab.

Nehemia 4:3

Kote mangam maro Debles an, oun čivam morshen pre, kay yak hounte dan ap o dives oun an i rat, kaana yon vans.

Nehemia 4:7

Doleske čivom me i morshen kote pash i massouri pre, kay i barra gomme vin phagedo his. Oun me čivom len yaake pre, te hi hako kopo kolla dran yek bari familya khetne tardo. Oun len his pengre rhare oun vitsepangre čourya oun boge pash pende.

Nehemia 9:2

Oun hakeno, kay i Israelendar hi, moukas kolen, kay gar peskre menshendar hi. Oun yon van glan o Debleste oun mangan pen tele, oun penan havi doosh yon oun pengre phoure ap pende anan.

Debleskri gili 106:35

Na-a, yon romedineran pen kolentsa, kay o Debles gar prindjrenn, oun kran sau koova har yon kran,

2. Mose 13:5

O baro Devel das pes sovel glan t'mare phourende, te dell lo t'men ko them, kay djivenn kanna i Kanaanitarya, i Hetarya, i Amorarya, i Hivarya oun i Yebousarya. Kova hi i them, kay hi boud thoud oun gvin dren. Ap ko tsiro, kay anas t'men o baro Devel an ko them, krenn pale yaake hako bersh an o čon Abib:

2. Mose 23:23

Ava, miro bolepaskro djal glan toute oun anell tout an o them, kay djivenna i Amorarya, i Hetarya, i Perisarya, i Kanaanitarya, i Hivarya oun i Yebousarya. Oun me dau len temerl.

2. Mose 33:16

Tou te djah mentsa, palle hayvell hakeno, te dikeh lačes ap mande oun ap kal menshende. Yaake sikreh i tsele vavar menshende ap kay phoub, te ham kouč touke.”

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Jeremia 26:10

Har shounan i pralstoune pral Youda, hoy kate djas, van le dran o baro rayeskro kheer, oun djan pre an o baro Debleskro kheer oun beshan pen tele pash o Nevo Voudar, te rakrenn le o čačepen pral leste vin.

Jeremia 26:16

Palle penan i pralstoune oun kol vavar menshe ap i rashayende oun kol rhorhene rakepangre: “Kava morsh hounte merell gar! Yob penas menge kol laba, hoy das les maro baro Devel.”

3. Mose 18:3

Ma djivenn yaake har i Egiptarya, an kolengro them djivan, vitar gar har kolla an o them Kanaan, kote kay t'men anau. Ma djivenn pal lengro koova.

Maleachi 2:11

I menshe dran Youda phagan pengri sovel, hoy dan le pengro Debleste. Oun an o them Israel oun an o foro Yerusalem djal djoungelo koova, hoy i menshen pale-čiddo krell. I morsha an Youda romedineran djouvyen, kay vavar deblen an-mangenna. Oun yaake kran le o kheer pale-čiddo, kay o baro Devel djivell, oun hoy lo kamell.

4. Mose 23:9

Pral ap i berga hom tardo, oun dikau tele ap kol menshende. Yon hi menshe, kay djivenn penge, oun djinenn, kay yon gar hi har i vavar menshe.

4. Mose 25:6

Oun i tsele Israelitarya his čiddo o ropah glan o Debleskro plarhteno kheer. Koy anas i morsh dran Israel i Midianetsa an o plarhteno kheer peskri familyatar. Oun o Mose oun i tsele israelitarya dikan kova.

5. Mose 18:9

Te venn t'mer an o them, hoy t'maro baro Devel t'men dell, palle krenn gar ko djoungelo pale-čiddo koova, hoy krenn i menshe, kay kote djivenn.

5. Mose 23:8

I Edomaryen čivenn gar pale! Yon hi t'mare phrala. Vitar gar čivenn i Egiptaryen pale. An lengro them djivan i rah tsiro.

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

Josua 23:12

Te rissrenn t'mer t'men lestar tele, oun čivenn t'men kol vavar menshentsa khetne, kay gomme an kava them djivenn, oun romedinerenn len,