Esra 8:36 - O Debleskro Lab 2024 (Sinte-Manouche)

³⁶ Oun yon anan ko liil, hoy o baro ray dran o them Babilonia len lentsa das, pash i pralstunende oun i themeskre rayende vergel o panyestar Eufrat. Oun kolla van i Israelenge ap i rig, oun dikan ninna, te vell o Debleskro kheer pale pre-čiddo.

O Debleskro Drom 2021 (Sinte)

³⁶ Un jon anan ko liil, hoi o baro rai dran o them Babilonia len lentsa das, pash i pralstunende un i themeskre rajende wergel o panjestar Eufrat. Un kolla wan i Israelenge ap i rig, un dikan ninna, te well o Debleskro kheer pale pre-tchiddo.

Esra 8:36 ပူးပေါင်းရင်းမြစ်များ

Esra 6:13

Kote kras o Tattenay, ko pralstouno pral o them ap i vavar rig o panyestar Eufrat, oun o Shetar-Bosnay oun kol morsha, kay pash lende his, pal hako lab, hoy lenge o ray Darius penas.

Nehemia 2:7

Oun me penom ap leste: “Miro ray, te hi touke mishto, palle de man lila mantsa i rayenge pral ko them pal o pani Eufrat, yaake te hounte moukenn le man vergel te djal, bis te vom an o them Youda.

Ester 3:12

Ap o 13. (deesh-te-triinto) dives an o ersto čon van kol morsha kharedo, kay o baro rayeskre lila činenn. Oun kolla činan, hoy o Haman lenge penas, an lila ap i pralstunende ko themestar, ap i themeskre rayende oun i pralstunende pral hako them. Hako liil his yaake činlo, har an ko them činlo vas, oun an ko rakepen, har kote rakedo vas. An o lab o baro rayestar Ahasveros van kol lila činlo. Oun leskri goustyah vas leskro sikepen tel hako liil čiddo.

Ester 9:3

I daryatar glan o Mordekay čivan pen i pralstoune an kol themma ap i rig i biboldendar, ninna i raya, i themeskre raya oun i rakepangre o baro rayestar.

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Bičepangre 18:27

Palle kamas o Apollo an o them Akaya te djal. Oun i patsle an o foro Efesus dan les i liil peha. An ko liil mangan le i phralendar an o them Akaya, te lenn yon o phrales Apollo pash pende pre. Oun har yob kote vas, djas lo pash kolende, kay patslo van dran o Debleskro lačepen, oun sikras len o Debleskro drom feteder oun boudeder.

Debleskro tsiro 12:16

Koy kras i phoub peskro mouy pre, oun piyas ko tselo zorelo pani, hoy ko baro lolo sap dran peskro mouy vin čoungras.