Esra 8:17 - O Debleskro Lab 2024 (Sinte-Manouche)

¹⁷ oun bičrom len pash o Iddo, ko moskro an o foro Kasifya, kay i Levitarya djivenn, te bičrenn le menge boudepangre o khereske maro Deblestar. Oun me penom lenge, hoy te rakrenn le o Iddeha oun leskre phralentsa, kay pash leste his an o foro Kasifya.

O Debleskro Drom 2021 (Sinte)

¹⁷ un bitchrom len pash o Iddo, ko moskro an o foro Kasifja, kai i Levitarja djiwenn, te bitchrenn le menge budepangre o khereske maro Deblestar. Un me penom lenge, hoi te rakrenn le o Iddeha un leskre phralentsa, kai pash leste his an o foro Kasifja.

Esra 8:17 ပူးပေါင်းရင်းမြစ်များ

2. Samuel 14:19

Penas lo: “Bičras tout o Yoab pash mande, te rakress kova lauter mantsa?” Koy das li pale: “Čačepah, miro baro ray. Koy hi kek drom, te khatrap čomone glan toute, miro rayeste! Ava, tiro boudepaskro Yoab penas mange, kay hounte krap kova, oun čivas kol tsele laba mange an o mouy.

2. Samuel 14:3

Tou djas pash o baro rayeste dren, oun rakress leha yaake har touke penau.” Oun o Yoab čivas lake kol laba an o mouy, hoy yoy hounte penella.

1. Familjakro liil 9:2

Oun mank kol erste menshe, kay pale van, oun pale an pengro them oun pengre forya djivan, his Israelitarya, rashaya, Levitarya oun save, kay boudran an o Debleskro kheer.

Esra 2:43

i familye, kolendar i morsha van, kay boudran an o Debleskro kheer: Siha, Hassoufa, Tabbaot,

Esra 2:58

I tsele boudepangre, kay boudran an o Debleskro kheer oun kolla, kolengre phoure o Salomeske boudran, his khetne 392 (triin-sheel-te-enya-deesh-te-douy).

Esra 7:7

Oun khetne leha djan vavar Israelitarya pral an Yerusalem, rashaya, Levitarya, gipangre, morsha kay denn yak ap i voudya, oun boudepangre, kay boudran an o Debleskro kheer. Kolla halauter van an Yerusalem an o eftato bersh, kay o Artaxerxes o ray pral o them Persia his.

Esra 8:16

Kote moukom i goseve pralstoune pengre familyendar pash mande te vell: o Eliyeser, o Ariel, o Shemaya, o Elnatan, o Yarib, o vavar Elnatan, o Natan, o Zakarie oun o Meshoullam, oun kol douy sikepangre, o Yoyarib oun o Elnatan,

2. Mose 4:15

Oun pen tiro phraleske halauter, hoy yob hounte rakrell! Oun me, t'maro Devel, čivau mire laba an tiro mouy oun leskro mouy oun sikrau t'men halauter, hoy hounte krenn.

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Jeremia 15:19

Doleske penell o baro Devel: Te rikreh tou tout ap mande, rikrau me man ap toute, oun tou ačeh miro rakepaskro. Te rakreh tou, hoy mishto hi, oun rakreh gar, hoy či-moldo hi, hal tou miro mouy. Yon hounte venn pash toute, tou djas gar pash lende!

4. Mose 18:6

Oun me lom t'mare phralen, i Levitarya, dran i vavar Israelitarya vin, te dap len t'mende, te venn le mange koy, o baro Debleske, oun krenn koy boudi ap o Debleskro plarhteno kheer.

5. Mose 18:18

I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

Tito 1:5

Me moukom tout an o them Kreta pale, te kress tou kova, hoy me bouder gar krom, oun te rodess tou phoureden vin mashkral i patslende an hako foro, te rikrenn le i patslen ap o čačo drom. Te kreh tou kova, ma biste, hoy me touke penom!