Esra 7:7 - O Debleskro Lab 2024 (Sinte-Manouche)

⁷ Oun khetne leha djan vavar Israelitarya pral an Yerusalem, rashaya, Levitarya, gipangre, morsha kay denn yak ap i voudya, oun boudepangre, kay boudran an o Debleskro kheer. Kolla halauter van an Yerusalem an o eftato bersh, kay o Artaxerxes o ray pral o them Persia his.

O Debleskro Drom 2021 (Sinte)

⁷ Un khetne leha djan wawar Israelitarja pral an Jerusalem, rashaja, Levitarja, gipangre, mursha kai denn jak ap i wudja, un budepangre, kai budran an o Debleskro kheer. Kolla halauter wan an Jerusalem an o eftato bersh, kai o Artaxerxes o rai pral o them Persia his.

Esra 7:7 ပူးပေါင်းရင်းမြစ်များ

Esra 6:14

Oun o phoureder i biboldendar kran pengri boudi ap o Debleskro kheer doureder. Oun i boudi djas mishto, yaake har penan kova o Debleskre rakepangre, o Haggay oun o Zakarie, koleskro dad o Iddo his. Oun yon čivan o kheer pre, oun kran halauter yaake har les lenge o Israeleskro Devel penas oun pal i laba, kay penan i raya pral o them Persia, o Cyrus, o Darius oun o Artaxerxes.

Esra 7:24

Ninna penau t'menge: Kekeste t'mendar dau me o čačepen, te nay mangell lo themeskre love, foreskre love oun vavar koova kol rashayendar oun kol vavarendar, kay boudrenn an o kheer kava Deblestar, har Levitarya, gipangre, morsha, kay yak denn ap i voudya oun boudepangre.

Esra 7:8

An o pančto čon an kava bersh van le kote an.

Nehemia 1:1

Kava hi, hoy pral o Nehemia činlo hi, koleskro dad o Hakalya hi. Har his o Artaxerxes an o biishto bersh o baro ray, homs an o čon Kislev an baro rayeskro kheer an o foro Susa.

Nehemia 10:28

Mallouk, Harim, Baana.

Nehemia 12:1

Oun kalla hi i rashaya oun i Levitarya, kay van pale dran o pandepen khetne kol douy morshentsa, o Zorobabel, koleskro dad o Shealtiel his, oun o Yeshoua: o Seraya, o Yirmeya, o Esra,

Nehemia 2:1

Oun an ko tsiro, har his o Artaxerxes an o biishto bersh o baro ray, an o čon Nisan, homs glan leste tardo. Pash o rhapen lom me i mool oun dom lat o baro rayeste. Mange his ropaske. Glan kova dikas lo kek tsireske, kay miro dji rovas.