Esra 7:6 - O Debleskro Lab 2024 (Sinte-Manouche)

⁶ Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

O Debleskro Drom 2021 (Sinte)

⁶ Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

Esra 7:6 ပူးပေါင်းရင်းမြစ်များ

1. Mose 32:28

Koy poučas lestar ko morsh: “Har khareh tou?” “Yakob”, penas yob.

Esra 5:5

Oun o Debleskre yaka his pral i phoureder an o them Youda, oun yon nay boudran doureder, bis i liil pash o Darius bičedo vas oun i liil lestar pale pale vas.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Esra 7:21

Me, o ray Artaxerxes, penom ap halauterende, kay an o them vergel o panyestar Yordan ap i khera garda denn, kay miro bravlepen dren hi: Halauter, hoy mangell t'mendar o Esra, ko rashay oun sikepaskro kol labendar o bolepaskro Deblestar, kova denn les sik;

Esra 7:28

O Devel kras, te dikas o ray oun leskre goseve oun pralstoune morsha lačes ap mande. Oun o baro Debleskro vast his pral mande oun kras man zoreles, oun nay anom boud morshen khetne, kay his pralstoune pral pengre familye, te djan le lauter mantsa pre an maro them.

Esra 7:5

koleskro dad o Abishoua, koleskro dad o Pinhas, koleskro dad o Elazar, koleskro dad o Aron, ko baro rashay.

Esra 7:9

Ap o ersto dives an o ersto čon kran le pen ap o drom, oun ap o ersto dives an o pančto čon van le an o foro Yerusalem. O Debleskro kamlo vast his pral leste.

Esra 8:1

Kalla hi i pralstoune pengre familyendar kol morshentsa, kay van mantsa khetne dran o them Babilonia pre an o foro Yerusalem an ko tsiro har o Artaxerxes o baro ray his.

Esra 8:18

Oun maro Debleskro kamlo vast his pral mende. Oun yon anan menge i gosevo morsh dran i familya Mali, i Levitari. O Levi his i čavo o Yakobestar. Kava morsh kharas Sherebya. Oun pash leste his leskre čave oun phrala. Khetne his le 18 (deesh-te-orhta) morsha.

Esra 8:22

Kamom gar o rayestar klissepangre te mangell, kay denn yak ap mende oun kourenn pen menge, te venn čilače menshe pral mende. Ladjom man te mangap kova lestar. Glan i tikno tsiro penam leske: O vast maro Deblestar hi kamlepah pral kolende, kay les rodenn, oun leskri zoreli rholi vell pral kolende, kay kamenn lestar či te djinell.

Esra 8:31

Ap o deesh-te-douyto dives an o ersto čon kram men ap o drom oun moukam ko pani Ahava pal mende, te djas an o foro Yerusalem. Oun maro Debleskro vast his pral mende oun das men gar an i vasta kolendar, kay kaman maro merepen oun kay men ap o drom palla lan.

Nehemia 12:26

Yon djivan an ko tsiro, kay o Yoyakim rashay his, koleskro dad o Yeshoua his, koleskro dad o Yozadak his. An ko tsiro djivas ninna o Nehemia, kay o themeskro ray his, oun o Esra, ko rashay oun sikepaskro, kay o Debleskre laba mishto djinas.

Nehemia 12:36

oun leskre phrala: o Shemaya oun o Asarel, oun o Milalay, oun o Gilalay, oun o Maai, oun o Netanel, oun o Youda, oun o Hanani. Len his save bashepangre, har o Debleskro morsh, o David, bashras. Oun glan lende djas o Esra, ko sikepaskro, kay o Debleskre laba mishto djinas.

Nehemia 2:12

krom man rati pre, lom douy, triin morshen mantsa, oun penom kek mensheske, hoy miro Devel mange an o dji čivas, te krap me o foreske Yerusalem. Oun his kek gray pash mande, har ko yek ap koleste me klissom.

Nehemia 2:18

Oun me penom lenge ninna, har lačes miro Devel ap miri rig vas, oun hoy o baro ray Artaxerxes ap mande penas. Kote penan le: “Avenn, kras men ap i boudi, te čivas lauter pale pre!” Oun yon kran yek o vavareske i vasta zoreles, te krenn le koy lači boudi.

Nehemia 2:8

Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.

Nehemia 4:15

Yaake boudram mer o tselo dives yaake rah har o kham pre djas bis pash ko tsiro, kay i bolepangre momlia glan van. Oun o paash mendar das yak oun rikras o vitsepaskro čouri an o vast.

Nehemia 8:1

Oun har o eftato čon vas, oun i Israelitarya pale an pengre forya his, van i tsele menshe khetne har yek morsh ap i platsa glan o Panyeskro Voudar. Oun yon penan ap o Esra, te anell yob o Moseskro liil, kay dren tardo hi, hoy o baro Devel penas, hoy i Israelitarya hounte krenn oun rikrenn. O Esra his i sikepaskro, kay prindjras mishto o Debleskro lab.

Nehemia 8:13

Oun ap o douyto dives van i pralstoune kol Israelengre familyendar oun i rashaya oun i Levitarya khetne pash o Esra, ko sikepaskro, kay o Debleskro lab mishto djinas, te sikrell lo len, hoy an o Moseskro liil tardo hi, te hayvenn le o Debleskro drom feteder.

Nehemia 8:4

Oun o sikepaskro, o Esra, his tardo pre ap i kashteno morhton, hoy koleske kerdo vas, te dikenn oun nay shounenn les lauter. Oun pash leste his tardo, ap i čači rig: O Mattitya, oun o Shema, oun o Anaya, oun o Ouriya, oun o Hilkiya, oun o Maasseya. Oun ap leskri servi rig: O Pedaya, oun o Mishael, oun o Malkiya, oun o Hashoum, oun o Hashbaddana, oun o Zakarie, oun o Meshoullam.

Nehemia 8:9

Oun i tsele menshe rovan, har shounan le kol laba, hoy an o Moseskro liil tardo his. Oun o Nehemia, kova his o moskro pral o foro Yerusalem, oun o rashay Esra, kova his o sikepaskro, oun kol Levitarya, kay i menshenge penan, hoy o Debleskro lab kamell te penell, kolla penan ap lauterende: “Kava dives hi i baro dives o baro Debleske, kay t'maro Devel hi. Doleske moukenn t'mare djia gar phares te vell! Oun ma rovenn!”

Nehemia 9:13

Oun ap i berga Sinay val tou tele, oun dran o bolepen rakral tou lentsa. Oun tou penal lenge čačepaskre laba, hoy mishto hi, oun sikral len čače dromma, oun dal len lače laba, hoy penan lenge, hoy te krenn le.

Debleskri gili 109:27

Mouk len te dikell, te kreh tou kova, te vell kova lauter toutar.

Debleskri gili 147:19

O Yakobeskre menshen moukell lo peskro lab te shounell; oun ap i Israelitarya penell lo, hoy lo lendar kamell, oun dell len peskre čačepaskre laba.

Debleskri gili 45:1

I biyabeskri gili yekestar, kay hi dran i familya Korah. Koy gili hi o rayeske pral i gipangre, te givell pash o bashepen ap i shob-doryengri bashepaskri.

Debleskri gili 80:18

Rike tiro vast pral koleste, kay hi beshdo ap tiri čači rig, pral ko morsheste, koles tou zoreles kral.

Gosewe laba 3:6

Rike tout ap o baro Debleste, hoy tou ninna kreh! Oun yob krell tiro drom čačo glan toute.

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 59:1

Dik, o baro Debleskri moussi hi lengsto doha, te nay lell lo t'men dran o čilačepen vin! Oun leskre kanda hi gar pandlo, te nay shounell lo gar.

Jeremia 8:8

Har nay penenn t'mer: Mer ham gosevo. Men hi o baro Debleskro lab pash mende. Rhorhepen hi kova lauter, hoy kol sikepangre dran kova krenna.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Mateo 23:2

oun penas: I biboldengre čačepangre oun i Farisarya, kolen hi o Moseskro vast, te penenn le i menshenge o Debleskro lab.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

1. Korintarja 1:20

Hoy nay penah mer pral kol goseve menshende? Oun hoy nay penah pral kolende, kay hi činepangre oun rakepangre ap kay phoub? Yon prindjrenn o Debles gar. Doleske hi lengro gosvepen an o Debleskre yaka dinlepen.

1. Korintarja 15:1

Mire phrala, ma bistrenn o lačo lab o Yezousestar, hoy me t'menge penom! T'mer lan ko lab pre, oun t'mer djivenn pal kova.

5. Mose 28:1

Kava dives penau t'menge o baro Debleskre tsele laba, pal kolende hounte djivenn. Shounenn ap t'maro baro Debleste, oun krenn pal kal laba! Palle krell t'mendar t'maro baro Devel i natsyona, hoy boudeder an-diklo hi har i tsele vavar natsyone ap i phoub.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.