Esra 7:27 - O Debleskro Lab 2024 (Sinte-Manouche)

²⁷ Sharedo vell o baro Devel, ko Devel mare phourendar! Yob hi kova, kay čivas sau koova an o rayeskro dji, te nay vell o baro Debleskro kheer an o foro Yerusalem yaake raylo oun shoukar!

O Debleskro Drom 2021 (Sinte)

²⁷ Sharedo well o baro Dewel, ko Dewel mare phurendar! Job hi kowa, kai tchiwas sau koowa an o rajeskro dji, te nai well o baro Debleskro kheer an o foro Jerusalem jaake railo un shukar!

Esra 7:27 ပူးပေါင်းရင်းမြစ်များ

2. Familjakro liil 31:8

Oun har o Hiskiya oun i pralstoune koy djan, oun dikan, har boud khetne vas, sharan le o baro Debles oun leskre menshen Israel.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Nehemia 2:12

krom man rati pre, lom douy, triin morshen mantsa, oun penom kek mensheske, hoy miro Devel mange an o dji čivas, te krap me o foreske Yerusalem. Oun his kek gray pash mande, har ko yek ap koleste me klissom.

Nehemia 2:8

Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.

Nehemia 7:5

Oun miro Devel das man an o dji, te dom khetne gole i pralstunen oun čačepangre morshen, oun lauter, kay kote djivan, te venn lengre laba pre činlo, hakeno pash peskri familya. Oun me hatsom o familyakro liil kolendar, kay i glanstoune his, kay pale van. An ko liil his činlo:

2. Mose 8:9

Oun o baro Devel kras yaake, har o Mose lestar mangas. Oun i djambe meran an i khera oun glan i khera oun ap lengri harhetikri phoub.

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Jesaja 60:13

Kouč kasht dran o shoukar veesh ap i berge Libanon vell pash toute anlo, te vell miro kheer shoukar kerdo. Oun yaake sikrau, har raylo kay platsa hi, kay tardo hom.

Louka 7:5

Yob hi menge lačes oun kras menge i kheer, kay mangah o Debles an.”

2. Korintarja 8:16

Me parkrau man pash o Debleste, te das yob maro phrales, o Tites, i baro dji t'menge.

Filiparja 4:10

Me homs o djiyestar barhtelo, oun parkrom man pash maro rayeste, o Yezouseste, har dikom, kay t'mer bistran man gar, oun bičran man kova, hoy man hounte vell djipaske. Ninna te kaman t'mer kova i rah tsiro mange te krell, djas kova gar.

Hebrearja 10:16

Ap ko tsiro, hoy vella, penell o Devel, sikrau me i menshende i nevo drom, har nay venn le pash mande: Me čivau miro čačepen an lengre shere oun činau mire laba an lengre djia.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Debleskro tsiro 17:17

Kova das len o Devel an lengre djia, te krenn yon, hoy yob kamella. Doleske rikrenn le lauter khetne, oun denn pengri zoor ko firheste. Kova djala lauter yaake rah, bis te vas lauter yaake, har o Devel penas.