Esra 7:25 - O Debleskro Lab 2024 (Sinte-Manouche)

²⁵ Oun tou Esra, čip o gosvepah, hoy tiro Devel tout dell, čačepangren oun rakepangren an i boudi dren, te rakrenn le o čačepen vin i tsele menshenge, kay vergel o panyestar Eufrat djivenna, halauterenge, kay i laba tiro Deblestar prindjrenn. Oun koon kal laba gar prindjrell, koleske sikrenn, hoy t'maro Devel lestar kamell!

O Debleskro Drom 2021 (Sinte)

²⁵ Un tu Esra, tchip o goswepah, hoi tiro Dewel tut dell, tchatchepangren un rakepangren an i budi dren, te rakrenn le o tchatchepen win i tsele menshenge, kai wergel o panjestar Eufrat djiwenna, halauterenge, kai i laba tiro Deblestar prindjrenn. Un koon kal laba gar prindjrell, koleske sikrenn, hoi tumaro Dewel lestar kamell!

Esra 7:25 ပူးပေါင်းရင်းမြစ်များ

1. Mose 41:38

Oun o baro ray poučas peskre pralstoune boudepangrendar: “Nay hatsah mer i morsh har kava, kay o gosvepen o Deblestar an leste hi?”

1. Mose 41:39

Ap o Yosefeste penas o baro ray: “O Devel sikras toute kava tselo koova. Kekes hi yaake boud gosvepen har tout.

1. Rajengro liil 3:28

Oun an o tselo them Israel shounan le ko čačo lab, hoy o baro ray hatsas. Oun yon dikan pre ap o baro rayeste, oun yon hayvan, kay o gosvepen o Deblestar an leste his, te nay dell lo i menshenge lengro čačepen.

2. Rajengro liil 17:27

O baro ray pral o them Assour penas: “Bičrenn yek rashayes pale pale koy, koles kotar krik lom; yob te djal kote oun djivell an ko them mashkral lende oun sikrell lenge, har te sharenn le ko debles ko themestar.”

1. Familjakro liil 22:12

Mou dell lo tout gosvepen, te djiness, hoy te kress. Yob krell tout ray pral Israel, te djas ap leskro drom.

1. Familjakro liil 23:4

Oun kolendar las o David 24.000 (biish-te-star zerya) morsha, te boudrenn le ap o kheer o baro Debleske, oun 6.000 (shob zerya) morsha, te venn le pralstoune oun čačepangre morsha.

Esra 10:4

Kanna ste pre! Ap toute hi kava koova čiddo. Oun mer ham halauter touha. Ab kanna zoreles oun kre kova!”

Esra 6:6

Ap o Tattenay, ko pralstuneste pral o them ap i vavar rig o panyestar Eufrat, oun ap o Shetar-Bosnay, oun t'mare tsele malenge, kol čačepangre morsha, penau me: Rikrenn t'men pale kava kovestar!

Esra 7:10

O Esra čivas peskre djiyeskre yaka ap o Debleskro drom, te hayvell lo les boud oun boudeder, oun te djivell lo pal o Debleskro lab, oun te sikrell lo halauterenge an o them Israel, hoy o baro Devel lendar kamell, oun har nay djivenn le pal leskro čačepen.

Esra 7:14

O baro ray oun leskre efta goseve morsha bičrenn tout, te djas an o them Youda oun an o foro Yerusalem, te dikess, har rikrenn pen i menshe kote ap tiro Debleskro lab, hoy an tiro vast hi.

Nehemia 9:3

Oun yon his hakeno ap peskri platsa tardo, har vas glan dravedo dran ko liil, kay sikrell o drom o baro Deblestar, kay lengro Devel hi. I starto kotar o divestar vas glan dravedo oun o starto kotar o divestar penan le pengri doosh, oun vitsran pen tele glan o baro Debleste, koles yon an-mangan.

Debleskri gili 19:7

O kham djal pre ap koy yek rig o bolepastar, oun nashell peskro drom bis ap i vavar rig, oun glan leskro tatepen ačella či khatedo.

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Gosewe laba 6:23

Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Markus 6:34

Oun o Yezous djas dran o bero vin, oun dikas kol boud menshen. Kolla khaytan les. Yon his har bakre, kay hi len kek bakrengro, kay dell garda ap lende. Oun yob rakras lentsa i rah tsiro.

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.