Esra 7:24 - O Debleskro Lab 2024 (Sinte-Manouche)

²⁴ Ninna penau t'menge: Kekeste t'mendar dau me o čačepen, te nay mangell lo themeskre love, foreskre love oun vavar koova kol rashayendar oun kol vavarendar, kay boudrenn an o kheer kava Deblestar, har Levitarya, gipangre, morsha, kay yak denn ap i voudya oun boudepangre.

O Debleskro Drom 2021 (Sinte)

²⁴ Ninna penau tumenge: Kekeste tumendar dau me o tchatchepen, te nai mangell lo themeskre lowe, foreskre lowe un wawar koowa kol rashajendar un kol wawarendar, kai budrenn an o kheer kau Deblestar, har Levitarja, gipangre, mursha, kai jak denn ap i wudja un budepangre.

Esra 7:24 ပူးပေါင်းရင်းမြစ်များ

1. Mose 47:22

O them i rashayendar ginas yob gar. I rashayen his doha love te ginenn le penge rhapen. Yon van playsedo o baro rayestar. Doleske bikran yon pengro them gar.

1. Mose 47:26

Yaake rakras o Yosef i lab, hoy hounte rikrenn le: I tsele menshen an o them Egiptia hounte denn o pančto kotar o baro rayeste. O rashayengro them las o baro ray gar. Yaake hi kova gomme kava dives.

Esra 4:13

Mer halauter hounte penas o baro rayeske: Kava foro te vell neves kerdo, oun i massurya hi pale tardo, denn i menshe bouder kek themeskre love, vitar kek foreskre love, oun vavar koova vitar gar. Kek love venn kolendar pash maro rayeste.

Esra 4:20

Ninna his zorele bare raya an o foro Yerusalem, kay his i raya pral halauter, hoy ap i vavar rig o panyestar Eufrat djivella, yaake kay vas lenge hounte themeskre love dino, ninna foreskre love oun vavar koova.

Esra 7:7

Oun khetne leha djan vavar Israelitarya pral an Yerusalem, rashaya, Levitarya, gipangre, morsha kay denn yak ap i voudya, oun boudepangre, kay boudran an o Debleskro kheer. Kolla halauter van an Yerusalem an o eftato bersh, kay o Artaxerxes o ray pral o them Persia his.

Nehemia 5:4

Oun pale vavar penan: “Mer hounte patsam menge love ap mari harhetikri phoub oun ap maro drakengro them, te nay playsras kol themeskre love o baro rayeske.”

Mateo 9:9

Pal kova djas o Yezous doureder. Oun yob dikas i morshes pash i kheer beshdo. Kova his i biboldo, kay las i biboldendar love i Remaryenge dren. Leskro lab hi Mateo. Oun o Yezous penas ap leste: “Am, dja mantsa!” Oun yob stas pre oun djas leha.