Esra 7:15 - O Debleskro Lab 2024 (Sinte-Manouche)

¹⁵ Tou aneh lenge roup oun sonakay, hoy tout o baro ray oun peskre goseve morsha touha denna, te dess kova o Debleste pral o them Israel, koleskro kheer an Yerusalem hi.

O Debleskro Drom 2021 (Sinte)

¹⁵ Tu aneh lenge rup un sonakai, hoi tut o baro rai un peskre gosewe mursha tuha denna, te dess kowa o Debleste pral o them Israel, koleskro kheer an Jerusalem hi.

Esra 7:15 ပူးပေါင်းရင်းမြစ်များ

1. Familjakro liil 29:6

Har shounan kol laba i pralstoune pral i bare familyende oun pral i deesh-te-douy khera o Yakobeskre čavendar, ninna i pralstoune pral i lourdende, kolla pral yek zero oun kolla pral yek sheel, oun kol pralstoune pral ko tselo koova, hoy o baro rayeske his,

2. Familjakro liil 2:6

Doleske mangau tout, biče mange i morshes i lačo vasteha, kay hayvell shoukar koova te krell dran o sonakay, roup, lolo saster oun vavar saster, lole thaba, blauete thaba oun thaba, hoy hi lolo har yag. Ninna hounte hayvell lo te dell shoukar koova vin čourye dran kasht oun vavar koova. Kova te krell lo khetne kol morshentsa, kay hayvenn pen mishto ap koy boudi, oun kay pash mande hi an o them Youda oun an o foro Yerusalem, kolen miro dad, o David, mange das, te krenn le koy boudi.

2. Familjakro liil 32:23

Boud menshe anan čomone o baro Debleske an o foro Yerusalem oun shoukar oun kouč koova o baro rayeske an Youda, o Hiskiya. Kava tsirestar his lo bares an-diklo kol menshendar an i tsele vavar themma.

2. Familjakro liil 6:2

Oun me moukom touke kava raylo kheer te krell, te djivess koy dren oun nay ačeh hako tsireske.

2. Familjakro liil 6:6

Kanna rodom mange Yerusalem vin, te vap kote an-mangedo. Oun me rodom mange o Davides vin, te vell yob o ray pral mire menshende Israel.

Esra 1:6

Oun halauter, kay troul lende trouyel djivan, kran lengre vasta zoreles oun dan len roup, sonakay, vavar lačo oun kouč koova oun firhe, ninna vavar koova, hoy yon len dran pengro kamlepen dan.

Esra 6:12

Oun ko Devel, kay o Yerusalem vin rodas, te vell lo kote an-mangedo, yob mou te phagell hako baro rayes oun hako them, kay rikrell pes gar ap kava lab, hoy penom, oun hadell peskro vast, te phagell lo ko Debleskro kheer tele an Yerusalem. Me, o Darius, penom kava lab oun moukom les pre te činell, te rikrell pes hakeno ap leste!

Esra 6:4

oun vell dran djoudje dine barra yaake kerdo, te venn triin barra yek ap o vavar čiddo, oun koy pral kasht, oun palle pale triin barra yek ap o vavar, oun koy pral kasht, oun yaake doureder. Oun i love koleske lautereske nay vell dran o baro rayeskro kheer lino.

Esra 7:14

O baro ray oun leskre efta goseve morsha bičrenn tout, te djas an o them Youda oun an o foro Yerusalem, te dikess, har rikrenn pen i menshe kote ap tiro Debleskro lab, hoy an tiro vast hi.

Esra 8:25

Kolen dom ko tselo roup oun ko tselo sonakay oun kol tsele kouč kotya an o vast, hoy van dino o Debleskre khereske, kova lauter, hoy das o baro ray oun leskre čačepangre oun kol pralstoune oun i tsele Israelitarya, kitse kay le his, an o them Persia.

Debleskri gili 135:21

Sharedo vell o baro Devel ap i berga Sion! An o foro Yerusalem hi lo khere. Halleluya!

Debleskri gili 26:8

Me kamau o kheer, kay tou djiveh, miro tselo djiyestar, oun koy platsa, kay tiro raylepen diklo vella.

Debleskri gili 72:10

I bare raya, kay djivenn an o foro Tarsis oun an i panyeskre themma, kolla anenn leske kouč koova. Ninna i bare raya pral i forya Saba oun Seba bičrenn leske shoukar koova.

Debleskri gili 76:11

Te hadenn pen rhoyede menshe pral toute, maro Debleste, vell diklo, har baro tou hal. Oun kova, hoy pral ačell lengri rholyatar, hi touke har i shoukar ripen, hoy riveh.

Debleskri gili 76:2

An o them Youda prindjrell hakeno o Debles, an o tselo them Israel hi lo prindjedo.

Debleskri gili 9:11

Doleske rikrenn kolla ap toute, kay tiro lab prindjrenna. Koon tout, o baro Debles, rodella, koles moukeh tou gar kokres.