Esra 6:4 - O Debleskro Lab 2024 (Sinte-Manouche)

⁴ oun vell dran djoudje dine barra yaake kerdo, te venn triin barra yek ap o vavar čiddo, oun koy pral kasht, oun palle pale triin barra yek ap o vavar, oun koy pral kasht, oun yaake doureder. Oun i love koleske lautereske nay vell dran o baro rayeskro kheer lino.

O Debleskro Drom 2021 (Sinte)

⁴ un well dran djudje dine barra jaake kerdo, te wenn triin barra jek ap o wawar tchiddo, un koi pral kasht, un palle pale triin barra jek ap o wawar, un koi pral kasht, un jaake dureder. Un i lowe koleske lautereske nai well dran o baro rajeskro kheer lino.

Esra 6:4 ပူးပေါင်းရင်းမြစ်များ

1. Rajengro liil 6:36

Yob moukas ninna i glanstouni platsa troul o Debleskro kheer te krell. Troul i platsa kras lo i massouri, kay triin kope barra ap barra čiddo van, oun ap i triinte barra van cedertikre kashta čiddo.

Esra 3:7

Oun yon dan love kol morshen, kay boudrenn i barrentsa oun kol morshen, kay boudrenn o kashtentsa. Ninna dan le rhapen oun pipen oun djet kol morshen dran Sidon oun Tirus, te nay anenn le Cedertikro kasht dran o Libanon pral o baro pani an ko foro Yafo. Kova lauter kran le yaake har les lenge o Cyrus, ko ray pral Persia penas.

Esra 5:8

Mer kamah touke te penell, kay mer nasham an o them Youda, pash o kheer o baro Deblestar. Ko kheer vell bare barrentsa kerdo. Oun kasht vell an i massurya dren čiddo. Oun i boudi vell mishto kerdo, oun djal an lengro vast sik doureder.

Esra 6:8

Me moukau t'menge ninna te penell, hoy t'mer lengre pralstunen hounte denn, te nay vell o Debleskro kheer pale pre-čiddo. Lenn dran o rayeskro bravlepen kol lovendar, hoy dren vell pash t'mende ap i vavar rig o panyestar Eufrat, oun denn len yaake boud, hoy len hounte vell, te hi len hako tsiro doha halauterestar.

Debleskri gili 68:29

Biče tiri zoor, maro Devel, tiri zoor, hoy tou ap mende sikral!

Debleskri gili 72:10

I bare raya, kay djivenn an o foro Tarsis oun an i panyeskre themma, kolla anenn leske kouč koova. Ninna i bare raya pral i forya Saba oun Seba bičrenn leske shoukar koova.

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.

Debleskro tsiro 12:16

Koy kras i phoub peskro mouy pre, oun piyas ko tselo zorelo pani, hoy ko baro lolo sap dran peskro mouy vin čoungras.