Esra 6:18 - O Debleskro Lab 2024 (Sinte-Manouche)

¹⁸ Oun yon čivan i rashayen oun i Levitaryen an pengri boudi dren an o Debleskro kheer an Yerusalem, oun kran vin, have rashaya hounte khetne boudrenn, oun have Levitarya hounte khetne boudrenn. Lauter kran le yaake har tele činlo vas an o Moseskre lila.

O Debleskro Drom 2021 (Sinte)

¹⁸ Un jon tchiwan i rashajen un i Levitarjen an pengri budi dren an o Debleskro kheer an Jerusalem, un kran win, hawe rashaja hunte khetne budrenn, un hawe Levitarja hunte khetne budrenn. Lauter kran le jaake har tele tchinlo was an o Moseskre lila.

Esra 6:18 ပူးပေါင်းရင်းမြစ်များ

1. Familjakro liil 24:1

Kolla hi i laba kol morshendar, kay his i pralstoune pral i rashayende, kay hako kopo khetne boudran an o baro Debleskro kheer. O Aroneskre čave his: o Nadab, o Abihu, o Elazar oun o Itamar.

1. Familjakro liil 24:24

dran i familya Usiel: o Mika; dran i familya Mika: o Shamir.

1. Familjakro liil 25:1

Oun o David khetne i pralstunentsa pral i lourdende, rodas i gipangre oun bashepangre vin, te givenn le Debleskre gilya, bashrenn ap doryengre bashepangre, oun denn ap sasterne patria. Kolla van dran i khera Asaf, Heman oun Yedoutoun.

2. Familjakro liil 35:10

Oun yaake vas halauter kerdo o rhapaske Passa. Oun i rashaya his ap pengre platse tardo, oun i Levitarya his yaake khetne tardo, har le khetne boudrenn, oun har les o baro ray penas.

2. Familjakro liil 7:6

Oun i rashaya kran pengri boudi. Oun i Levitarya his pashel tardo oun bashran ap pengre doryengre bashepangre, hoy kerdo his o baro Debleske. Kal bashepangre moukas o baro ray, o David glan i tsiro te krell, te sharenn le o baro Debles. Yon bashran oun givan koy Debleskri gili, hoy o David kras: “Leskro lačepen hi an hako tsiro menge koy.” Oun i rashaya his ap i vavar rig tardo, oun phourdan an i phourdepangre. Oun i tsele Israelitarya his koy tardo.

4. Mose 3:6

“An kol menshen dran o kheer Levi kay! An len glan o rashayeste Aron, te venn le leske koy.

4. Mose 3:9

Oun tou aness kol Levitaryen pash o Aron oun leskre čavende. Kova hi yaake, har te anans len i Israelitarya pash lende, te krans le kolengri boudi.