Esra 6:16 - O Debleskro Lab 2024 (Sinte-Manouche)

¹⁶ Oun i Israelitarya, i rashaya, i Levitarya oun kolla vavar, kay van dran o pandepen pale pale, rikran kol bare divessa i barhtele djiyentsa, kay dan le o Debleskro nevo kheer an leskre vasta.

O Debleskro Drom 2021 (Sinte)

¹⁶ Un i Israelitarja, i rashaja, i Levitarja un kolla wawar, kai wan dran o pandepen pale pale, rikran kol bare diwessa i bachtele djijentsa, kai dan le o Debleskro newo kheer an leskre wasta.

Esra 6:16 ပူးပေါင်းရင်းမြစ်များ

1. Rajengro liil 8:62

Oun o baro ray oun i tsele Israelitarya anan firhen o baro Debleske.

1. Rajengro liil 8:63

Oun o Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell, te rhan le len khetne glan o baro Debleste. Yaake dan le o kheer o baro Debleste, te vell les leskro kheer. Kova kras o ray Salomo khetne i tsele Israelitarya.

1. Familjakro liil 15:28

Yaake anan i tsele Israelitarya o morhton o baro Debleskre deesh labentsa pral an Yerusalem. Yon dan gole i barhtyatar, givan oun bashran ap phourdepangre, doryengre bashepangre oun vavar bashepangre.

1. Familjakro liil 9:2

Oun mank kol erste menshe, kay pale van, oun pale an pengro them oun pengre forya djivan, his Israelitarya, rashaya, Levitarya oun save, kay boudran an o Debleskro kheer.

2. Familjakro liil 29:30

Oun o Hiskiya oun i pralstoune penan ap i Levitarya, te sharenn le o baro Debles kol gilyentsa, hoy kras o David oun o dikepaskro, o Asaf. Oun yon givan barhteles, oun vitsran pen ap i phoub oun mangan o baro Debles an.

2. Familjakro liil 30:23

Pal kol divessa kran le vin, te ačenn le vavar efta divessa khetne. Oun ninna an kal efta divessa rhan oun piyan le oun his barhteles khetne.

2. Familjakro liil 30:26

Yaake his boud barhtelo gipen oun sapen an o foro Yerusalem. Yaake rah har o Davideskro čavo, o Salomo, o baro ray pral Israel his, vas savo koova bouder gar diklo an o foro Yerusalem.

2. Familjakro liil 7:5

Oun o baro ray Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell. Yaake dan le o kheer o baro Debleste, te vell les leskro kheer. Kova kras o baro ray Salomo khetne i tsele Israelitarya.

Esra 4:1

I vavar menshe an o them, kolla, kay kaman gar i bibolden dran i khera Youda oun Benyamin, yon shounan, te krenn kolla, kay van pale pale dran o them Babilonia, i nevo kheer o baro Debleske, kay o Israeleskro Devel hi.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Nehemia 12:27

Oun har i massouri troul o foro Yerusalem kerdo vas, kran le i baro festo, oun moukan i Levitaryen gole te dell dran lengre tsele gaba, te denn yon i massouri an o Debleskro vast oun parkrenn pen pash leste barhtele djiyentsa, oun givenn oun bashrenn leske ap sasterne patria, hoy venn khetne dino, oun ap doryengre bashepangre, hoy kharenna Harfe oun Laute.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Nehemia 8:10

Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

Debleskri gili 122:1

I gili o Davidestar te givell ap o drom an Yerusalem. Miro dji givas, har yon penan: Mer djah pash o baro Debleskro kheer.

Daniel 5:13

Oun o Daniel vas glan o baro rayeste anlo. Oun o baro ray poučas lestar: “Hal tou o Daniel, yek kolendar, kay o baro ray, miro dad, pandles dran o them Youda peha anas?

Johanni 10:22

His vend. Oun i bibolde an o foro Yerusalem kran i baro rhapen, te bistrenn le gar ko dives, har o Debleskro baro kheer neves kerdo vas.

5. Mose 12:7

Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!