Esra 6:15 - O Debleskro Lab 2024 (Sinte-Manouche)

¹⁵ Oun koy tseli boudi vas kerdo ap o triinto dives an o čon Adar. Kova his, har o Darius an o shobto bersh o baro ray his.

O Debleskro Drom 2021 (Sinte)

¹⁵ Un koi tseli budi was kerdo ap o triinto diwes an o tchon Adar. Kowa his, har o Darius an o shobto bersh o baro rai his.

Esra 6:15 ပူးပေါင်းရင်းမြစ်များ

1. Rajengro liil 8:63

Oun o Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell, te rhan le len khetne glan o baro Debleste. Yaake dan le o kheer o baro Debleste, te vell les leskro kheer. Kova kras o ray Salomo khetne i tsele Israelitarya.

Esra 4:24

Kote ačas i boudi ap o Debleskro kheer an o foro Yerusalem tardo. Oun kova ačas yaake bis o ray Darius an o douyto bersh o baro ray his pral o them Persia.

Esra 5:16

Kote vas o Sheshbazar oun čivas i telstoune barra pre o Debleskro khereske kate an Yerusalem. Yaake rah boudrah ap o Debleskro kheer, oun kova hi gomme gar tseles kerdo.”

Esra 9:9

Mer hams pandle boudepangre, oun tou, maro Devel, moukal men gar kokres an maro pandepen. Tou kral, te dikan i raya pral o them Persia lačes ap mende, oun dal men nevi zoor, te nay čivas mer tiro kheer pale pre, yaake te vas dran kol paash dine oun rhačede barra i nevo kheer touke. Kova kral tou, te djivas mer pale an o them Youda oun an o foro Yerusalem kek trashah.

Ester 3:13

Koy dren his činlo: I tsele bibolde hounte venn maredo, terne oun phoure, ninna i čave oun djouvya, te ačell kek lendar bouder djido. Oun kova te vell ap yek dives, ap o deesh-te-triinto dives an o deesh-te-douyto čon. Kova hi o čon Adar. Oun i biboldengro koova nay lell hakeno peske. Oun naashepangre van kharedo, oun lenge vas penlo, te anenn le kol lila an i tsele themma, kay o Ahasveros baro ray hi.

Ester 3:7

Oun an o ersto čon, kova hi o čon Nisan, an o deesh-te-douyto bersh ko baro rayestar Ahasveros, moukas o Haman peske tikne barra te vitsrell, hoy kharenna Pourim, te hatsell lo vin, havo dives an havo čon ko feteder hi, te krell lo, hoy lo peske glan las. Oun kol tikne barra Pourim peran ap o deesh-te-triinto dives oun ap o deesh-te-douyto čon. Kova hi o čon Adar.

Ester 8:12

Oun kova nay krenn le an i tsele themma, kay o Ahasveros baro ray hi, ap o deesh-te-triinto dives an o deesh-te-douyto čon, – kova hi o čon Adar.

Ester 9:1

Oun palle vas o 13. (deesh-te-triinto) dives an o 12. (deesh-te-douyto) čon. Kova hi o čon Adar. Ap ko dives hounte vals kerdo pal o baro rayeskro činlo lab. Oun i menshe, kay i bibolden gar kaman, patsan, te nay marans le i bibolden ap ko dives. Kanna vas kova vavarčandes: I bibolde van zorleder har i vavar menshe,

Ester 9:15

Oun i bibolde an o foro Susa van ap o 14. (deesh-te-starto) dives an o čon Adar gomme yek kopo khetne, oun dan an Susa 300 (triin-sheel) morshen moulo. Lengro koova čoran le penge gar.

Ester 9:17

Oun kova his ap o 13. (deesh-te-triinto) dives an o čon Adar. Oun ap o 14. (deesh-te-starto) dives kran yon či. Oun kran lestar i dives, kay venn le khetne, rhan oun piyenn oun hi barhtelo.

Ester 9:19

Doleske hi o 14. (deesh-te-starto) dives an o čon Adar i baro dives kol biboldenge, kay djivenn vin ap o them oun an i gaba. Oun yon rhan oun piyenn oun denn yek o vavareste lačo rhapen.

Ester 9:21

An kol lila his činlo, te vell o 14. oun o 15. dives an o čon Adar i baro dives. Koles hounte rikrenn le hako bersh,

Zakarie 1:1

An o orhtato čon an o douyto bersh, har o Darius o baro ray his, rakras o baro Devel ap peskro rakepaskro, o Zakarie. Koleskro dad his o Berekia, oun koleskro dad his o Iddo.

Zakarie 1:16

Doleske penell o baro Devel: “Me krau miro dji pale pre pral i menshende an o foro Yerusalem. Kote te vell miro kheer pale pre tardo, oun o foro pale neves kerdo.”

Zakarie 4:9

Oun yob poučas: “Djineh gar, hoy kolla hi?” Me penom: “Na-a, miro ray.”