Esra 6:10 - O Debleskro Lab 2024 (Sinte-Manouche)

¹⁰ Palle nay rhačrenn le kol firhen yaake o bolepaskro Debleske, te dikell lo lačes ap lende, oun yon nay mangenn lestar lačepen mange, miro djipen oun koleske mire čavendar.

O Debleskro Drom 2021 (Sinte)

¹⁰ Palle nai chatchrenn le kol viechen jaake o bolepaskro Debleske, te dikell lo latches ap lende, un jon nai mangenn lestar latchepen mange, miro djipen un koleske mire tchawendar.

Esra 6:10 ပူးပေါင်းရင်းမြစ်များ

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

Esra 1:2

Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

Esra 6:9

Denn len ninna hako dives kol firhen, hoy len hounte vell, te anenn le len o bolepaskro Debleske: terne gourma, bakre oun terne bakre. Ninna djob, loon, mool oun djet denn len yaake boud har penenn t'menge lengre rashaya an o foro Yerusalem. Denn yak, te vell kova lende yaake sik dino, te hounte mangenn le gar.

Esra 7:23

Halauter, hoy o bolepaskro Devel penas, te vell an leskro kheer, kova hounte vell leste yaake dino, har lo penas, te vell leskri rholi gar pral o rayeste, leskre čavende oun leskro them.

2. Mose 12:32

Lenn t'mare bakre oun bouzya oun t'mare groumya, yaake har t'mer kaman! Oun djan oun mangenn t'maro baro Debles, te vell lo mange lačes.”

Jeremia 29:7

Rodenn koy pal, te djal mishto o foreske, kay moukom t'men te anell. Oun mangenn ko foreske mandar lačepen! Te djal o foreske mishto, djal t'menge ninna mishto.

Daniel 2:46

Kote moukas pes o baro ray Neboukadnezar ap i phoub te perell, glan o Daniel, oun penas, te rhačrenn le leske rhapen oun soungepaskro koova.

3. Mose 1:9

I bouke oun i herya hounte van thodo. Kova krell ko morsh, kay anas ko firhes. Oun o rashay moukell halauter ap i rhačepaskri pre te rhačrell. Yaake hounte vell i firho anlo glan o Debleste, hoy vell leske tseles rhačedo. Oun o lačo soungepen, hoy vell vin, soungell mishto o baro Debleske.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.