Esra 6:1 - O Debleskro Lab 2024 (Sinte-Manouche)

¹ Kote moukas o ray Darius te penell, te venn i familyakre lila rodedo an i khera, kay o bravlepen oun i phoure lila čiddo hi an o them Babilonia.

O Debleskro Drom 2021 (Sinte)

¹ Kote mukas o rai Darius te penell, te wenn i familjakre lila rodedo an i khera, kai o brawlepen un i phure lila tchiddo hi an o them Babilonia.

Esra 6:1 ပူးပေါင်းရင်းမြစ်များ

Esra 4:15

Mouk pal te dikell an i familyakre lila tire phourendar, palle hatseh oun dikeh, kay kava foro pes pre hadas, oun pral vavar rayende oun themma doosh anas. Ninna an i phoure tsirya hadan pen i menshe an kava foro pre. Doleske vas kava foro ninna khetne maredo, oun kek bar ačas ap o vavar.

Esra 4:19

Oun har me les penom, vas pal diklo, oun halauter hi čačepen, hoy t'mer mange činan, kay hadas pes ko foro pale te pale an o phouro tsiro oun anas čingepen i tsele rayenge, oun peras tele lengre rayentsa.

Esra 5:17

Oun kanna, maro baro ray, te hi touke mishto, palle mouk an tiro kheer pal te dikell, kote kay tiro bravlepen oun i phoure familyakre lila hi, te hi čačo, kay moukas o baro ray Cyrus te penell, te vell o Debleskro kheer an o foro Yerusalem pale pre-čiddo. Oun ab yaake kamles oun mouk men te djinell, hoy tou pral kova peneh.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Esra 7:13

Oun kanna vell mandar penlo, kay halauter kolla, kay dran o them Israel an miro them van, ninna lengre rashaya oun Levitarya, yon te kamenn touha te djal an o foro Yerusalem, palle nay djan le.

Hiob 29:16

O čorveleske homs me har i dad, oun lom koleskro koova an o vast, kay i vi-themari his.

Debleskri gili 40:7

Kol firhen oun ko rhapen, hoy i menshe touke anenna, kameh tou gar. Tou dal man kanda, te hayvap, hoy kameh: kek firhen, hoy i menshe touke rhačrenna, vitar kek, hoy marenn le, te less tou lengri doosh lendar krik.

Gosewe laba 25:2

O Devel vell sharedo koleske, hoy yob khatedo rikrell. O baro ray vell sharedo koleske, hoy yob pre čakrell.

Jeremia 36:29

Pral o Yoyakim moukess te činell: Kava penell o baro Devel: Tou rhačral ko ersto liil oun penal ap o Yeremia: Hoske moukal pre te činell, kay vell i baro ray dran Babilonia, oun krell kava them paash, oun tradell i menshen oun i firhen vin?

Jeremia 36:32

Koy las o Yeremia i nevo liil oun das les o Baroukes, ko činepaskres, koleskro dad o Neriya his. Oun o Barouk činas kol tsele laba pre, hoy o Yeremia leske glan penas, kol laba, hoy an o ersto liil tardo his, hoy o Yoyakim, ko baro ray pral Youda an i yag vitsras. Oun boud vavar laba, hoy yaake har kolla his, van koy pashel činlo.

Ezekiel 2:9

Oun me dikom i vast, hoy his vin rikedo ap mande. Oun an ko vast his i liil, hoy khetne lino his.

Ezekiel 3:1

Oun yob penas ap mande: Tou, mensho, rha kova, hoy glan toute hi! Rha kava liil, oun dja pash i menshende Israel, oun rake ap lende!

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.

Debleskro tsiro 5:1

Oun me dikom i liil an o čačo vast kolestar, kay ap o rayeskro beshepaskro beshdo hi. Ap ko liil his dren oun vin čomone činlo. Oun ko liil his khetne pandlo efta doryentsa.