Esra 5:8 - O Debleskro Lab 2024 (Sinte-Manouche)

⁸ Mer kamah touke te penell, kay mer nasham an o them Youda, pash o kheer o baro Deblestar. Ko kheer vell bare barrentsa kerdo. Oun kasht vell an i massurya dren čiddo. Oun i boudi vell mishto kerdo, oun djal an lengro vast sik doureder.

O Debleskro Drom 2021 (Sinte)

⁸ Mer kamah tuke te penell, kai mer nasham an o them Juda, pash o kheer o baro Deblestar. Ko kheer well bare barrentsa kerdo. Un kasht well an i massurja dren tchiddo. Un i budi well mishto kerdo, un djal an lengro wast sik dureder.

Esra 5:8 ပူးပေါင်းရင်းမြစ်များ

Esra 2:1

Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

Esra 5:7

Kalla hi i laba, hoy yon leske činan: O baro rayeske Darius boud barht!

Esra 5:9

Kote poučam mer palle lengre pralstunendar: Koon penas t'menge, te krenn kava kheer oun te čivenn kal massurya pale pre?

Esra 6:10

Palle nay rhačrenn le kol firhen yaake o bolepaskro Debleske, te dikell lo lačes ap lende, oun yon nay mangenn lestar lačepen mange, miro djipen oun koleske mire čavendar.

Esra 6:4

oun vell dran djoudje dine barra yaake kerdo, te venn triin barra yek ap o vavar čiddo, oun koy pral kasht, oun palle pale triin barra yek ap o vavar, oun koy pral kasht, oun yaake doureder. Oun i love koleske lautereske nay vell dran o baro rayeskro kheer lino.

Esra 7:23

Halauter, hoy o bolepaskro Devel penas, te vell an leskro kheer, kova hounte vell leste yaake dino, har lo penas, te vell leskri rholi gar pral o rayeste, leskre čavende oun leskro them.

Nehemia 11:3

Ninna an i vavar forya an o them Youda djivan Israelitarya, oun rashaya, oun Levitarya, oun boudepangre, kay an o Debleskro kheer boudran, oun kol menshe, kay van kolendar, kay boudran o Salomeske. Yon lauter djivan ap pengro kotar phoub an pengre forya. Oun kalla hi i pralstoune, kay djivan an o them Youda, an o foro Yerusalem.

Nehemia 7:6

Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

Ester 1:1

His an ko tsiro, har o Ahasveros o baro ray his pral 127 (yek-sheel-te-biish-te-efta) themma, hoy djan o themestar India bis pash o them Etiopia.

Ester 1:22

Oun bičras lila an i tsele themma, kay lo baro ray his. Hako liil his yaake činlo, har an ko them činlo vell, oun an ko rakepen, har kote rakedo vell, kay ko liil bičedo vas. Oun an ko liil vas penlo, te vell hako romes an peskro kheer o penepaske, oun te vell an hako kheer ko rakepen rakedo, hoy o rom rakrella.

Debleskri gili 145:3

Zorelo hi o baro Devel oun boud moldo, te vell lo sharedo. Kek hayvell, har baro yob hi.

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 3:26

Oun o Neboukadnezar djas pash ko voudar ko bobestar oun das gole: “Shadrak, Meshak oun Abed-Nego, t'mer boudepangre o pralstouno Deblestar, avenn koy vin, oun venn pash mande!” Oun o Shadrak, o Meshak oun o Abed-Nego djan vin dran i yag.

Daniel 4:2

His yek rati, har homs čiddo ap miro čiben, koy dom souni. Oun koya kras mange daar. Ava, kova, hoy dikom, kras mange bari traash.

Daniel 6:26

Palle moukas o baro ray Darius i liil te činell ap i menshende dran hako them oun rakepen ap i phoub: Bari barht t'menge!

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

5. Mose 32:31

Kolengre debla hi gar har maro Devel. Kova djinenn oun penenn ninna kolla, kay kouran pen mentsa.