Esra 5:16 - O Debleskro Lab 2024 (Sinte-Manouche)

¹⁶ Kote vas o Sheshbazar oun čivas i telstoune barra pre o Debleskro khereske kate an Yerusalem. Yaake rah boudrah ap o Debleskro kheer, oun kova hi gomme gar tseles kerdo.”

O Debleskro Drom 2021 (Sinte)

¹⁶ Kote was o Sheshbazar un tchiwas i telstune barra pre o Debleskro khereske kate an Jerusalem. Jaake rah budrah ap o Debleskro kheer, un kowa hi gomme gar tseles kerdo.”

Esra 5:16 ပူးပေါင်းရင်းမြစ်များ

Esra 3:10

Oun har čivan i boudepangre i telstoune barra pre o baro Debleskro khereske, his i rashaya koy tardo an pengre rashayengre ripya oun phourdan an pengre phourdepangre. Oun i Levitarya, kolengro phouro dad o Asaf his, kolen his pengre bashepangre, hoy kharenn cimbale, ninna pashel, te nay sharenn le o baro Debles, yaake har o David, ko baro ray pral Israel kova penas.

Esra 3:8

An o douyto bersh har yon pale van an o foro Yerusalem, oun an o douyto čon, kran pen i Israelitarya ap i boudi, te čivenn le o Debleskro kheer pale pre. O Zorobabel, koleskro dad o Shealtiel his, oun o Yeshoua, koleskro dad o Yozadak his, oun lengre vavar phrala, kolla his i rashaya oun i Levitarya, oun halauter, kay van dran pengro pandepen pale an o foro Yerusalem boudran khetne ap o Debleskro kheer. Oun yon rodan i Levitaryen vin, kay biish bersh oun phoureder his, te denn le yak ap koy tseli boudi an o baro Debleskro kheer.

Esra 5:14

Ninna kol sonakangre oun roupene kotya, hoy čoras o Neboukadnezar dran o Debleskro kheer an Yerusalem, oun moukas len an peskro debleskro kheer te anell an o them Babilonia, kolen las o baro ray Cyrus pale vin, oun das halauter ko morsheste Sheshbazar. Koles čivas lo pral o them Youda,

Esra 5:15

oun penas ap leste: Le kal tsele kotya touha, oun dja an o foro Yerusalem, oun an len kote an o Debleskro kheer! Oun o Debleskro kheer hounte vell pre-čiddo kote, kay lo tardo his.

Esra 5:2

Kote kran pen ap i boudi o Zorobabel, koleskro dad o Shealtiel his, oun o Yeshoua, koleskro dad o Yozadak his. Oun yon boudran doureder ap o Debleskro kheer an Yerusalem. Oun lentsa khetne boudran o Debleskre rakepangre oun dan len zoor.

Esra 6:15

Oun koy tseli boudi vas kerdo ap o triinto dives an o čon Adar. Kova his, har o Darius an o shobto bersh o baro ray his.

Haggai 2:18

Kava dives hi o 24. (biish-te-starto) dives an o enyato čon. Kava dives čivan t'mer i telstoune barra miro khereske yek ap o vavar. Kanna denn garda, har t'menge kava divesseha djala!

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Zakarie 4:9

Oun yob poučas: “Djineh gar, hoy kolla hi?” Me penom: “Na-a, miro ray.”

Johanni 2:20

Penan yon: “An star-deesh-te-shob (46) bersha kran le o Debleskro baro kheer. Oun tou kameh kova te krell an triin divessa?”