Esra 5:1 - O Debleskro Lab 2024 (Sinte-Manouche)

¹ Oun o Debleskre rakepangre, o Haggay oun o Zakarie, koleskro dad o Iddo his, kolla rakran i biboldentsa, kay djivan an o them Youda oun an o foro Yerusalem, oun penan lenge, hoy lengro Devel, ko Devel pral o Israel, lenge kal biboldenge penas.

O Debleskro Drom 2021 (Sinte)

¹ Un o Debleskre rakepangre, o Haggai un o Sacharja, koleskro dad o Iddo his, kolla rakran i biboldentsa, kai djiwan an o them Juda un an o foro Jerusalem, un penan lenge, hoi lengro Dewel, ko Dewel pral o Israel, lenge kal biboldenge penas.

Esra 5:1 ပူးပေါင်းရင်းမြစ်များ

Esra 4:24

Kote ačas i boudi ap o Debleskro kheer an o foro Yerusalem tardo. Oun kova ačas yaake bis o ray Darius an o douyto bersh o baro ray his pral o them Persia.

Esra 6:14

Oun o phoureder i biboldendar kran pengri boudi ap o Debleskro kheer doureder. Oun i boudi djas mishto, yaake har penan kova o Debleskre rakepangre, o Haggay oun o Zakarie, koleskro dad o Iddo his. Oun yon čivan o kheer pre, oun kran halauter yaake har les lenge o Israeleskro Devel penas oun pal i laba, kay penan i raya pral o them Persia, o Cyrus, o Darius oun o Artaxerxes.

Micha 5:4

Oun yob anell lenge i lačo tsiro. Te venn i lourde dran o them Assour an maro them, oun phagenn an mare khera dren, čivah mer zorele pralstunen oun rayen pre, te rikrenn le len pale.

Haggai 1:1

An o douyto bersh, har o Darius o baro ray his, ap o ersto dives an o shobto čon, penas o baro Devel laba ap peskro rakepaskro, o Haggay, te penell yob kal laba doureder ap o Zorobabel, koleskro dad o Shealtiel his, oun ap o Yeshoua, koleskro dad o Yozadak his. O Zorobabel his o pralstouno pral o them Youda, oun o Yeshoua his o baro rashay.

Haggai 1:3

Koy pre penell o baro Devel:

Haggai 2:18

Kava dives hi o 24. (biish-te-starto) dives an o enyato čon. Kava dives čivan t'mer i telstoune barra miro khereske yek ap o vavar. Kanna denn garda, har t'menge kava divesseha djala!

Zakarie 8:9

Kova penell o baro Devel, ko ray pral o bolepen oun i phoub: “Krenn t'mare vasta zoreles, t'mer, kay kanna shounenn kal emlige laba, hoy mire rakepangre penan an ko tsiro, kay i telstoune barra pre-čiddo van miro nevo khereske!