Esra 4:10 - O Debleskro Lab 2024 (Sinte-Manouche)

¹⁰ mer činah kava liil khetne i menshentsa dran kol vavar themma, kolen o baro oun zorelo Asenappar an kava them moukas te anell, te djivenn le an o foro Samaria oun an i vavar forya ap i vavar rig o panyestar Eufrat.

O Debleskro Drom 2021 (Sinte)

¹⁰ mer tchinah kau liil khetne i menshentsa dran kol wawar themma, kolen o baro un sorelo Asenappar an kau them mukas te anell, te djiwenn le an o foro Samaria un an i wawar forja ap i wawar rig o panjestar Eufrat.

Esra 4:10 ပူးပေါင်းရင်းမြစ်များ

Esra 4:1

I vavar menshe an o them, kolla, kay kaman gar i bibolden dran i khera Youda oun Benyamin, yon shounan, te krenn kolla, kay van pale pale dran o them Babilonia, i nevo kheer o baro Debleske, kay o Israeleskro Devel hi.

Esra 4:11

Oun kal laba his tardo an ko liil: Ap o baro rayeste Artaxerxes, i morshendar ap i vavar rig o panyestar Eufrat. Mer ham tire boudepangre,

Esra 4:17

Koy bičras lenge o ray pral o them Babilonia kava liil oun moukas lenge te penell: Touke Rehoum, ko pralstuneske oun touke Shimshay, ko činepaskro, oun t'menge vavarenge halauterenge an o foro Samaria oun kol vavarenge halauterenge ap i vavar rig o panyestar Eufrat: Barht t'mentsa!

Esra 7:12

Me, o Artaxerxes, o ray pral i tsele raya, penau ap o Esra, ko rashay oun sikepaskro i labendar ko Deblestar, kay an o bolepen hi. Boud barht touke!

Nehemia 4:2

Oun yon čivan pen khetne, te djan le ap o foro Yerusalem, oun te krenn le i menshen kote yaake divyo, te djinell kek bouder, hoy te krell lo.

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Remarja 13:7

Denn hakeneste kova, hoy leske hi: themeskre love, ninna vavar love, hoy yon t'mendar mangenna. Shounenn ap kolende, kay hi len penepaske, oun dikenn pre ap lende!