Esra 3:13 - O Debleskro Lab 2024 (Sinte-Manouche)

¹³ Oun kek djinas, hoy zorleder hi, koy gole i barhtyatar oder ko zorelo ropen; i menshe dan yaake bares gole, te vas kova dour shounlo.

O Debleskro Drom 2021 (Sinte)

¹³ Un kek djinas, hoi sorleder hi, koi gole i bachtjatar oder ko sorelo ropen; i menshe dan jaake bares gole, te was kowa dur shunlo.

Esra 3:13 ပူးပေါင်းရင်းမြစ်များ

1. Rajengro liil 1:40

Oun i tsele menshe djan pale pre pal o Salomeste, oun yon kran i shoukar bashepen, oun dan yaake gole i barhtyatar, te trissas i phoub.

1. Rajengro liil 1:45

Oun o rashay Zadok, oun o Debleskro rakepaskro Natan makan les lačo djeteha dren, te vell yob o baro ray. Kova kran le pash o pani Gihon. Kotar djan le pale pre bashepah oun gipah. Yaake vas o foro pherde menshe, kay denn gole i barhtyatar. Doleske shounan t'mer kate koy bari gole.

Esra 3:12

Boud i phoure rashayendar, i Levitarendar oun i familyengre pralstunendar djinan, har o baro Debleskro phouro kheer vin dikas. Kolla rovan zoreles, har yon kanna dikan, har i telstoune barra kava nevo khereske čiddo van. Vavar dan gole i barhtyatar, yaake his, kay nay van le dour shounlo.

Esra 4:1

I vavar menshe an o them, kolla, kay kaman gar i bibolden dran i khera Youda oun Benyamin, yon shounan, te krenn kolla, kay van pale pale dran o them Babilonia, i nevo kheer o baro Debleske, kay o Israeleskro Devel hi.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Debleskri gili 5:11

Čip lengri doosh ap lengre shere, mo Devel! Mouk len te perell an pengre netse, hoy yon i vavarenge kran! Trade len toutar krik! Boud kope kran le o čilačepen. Pral toute hadan le pen.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Jeremia 50:4

An kol divessa oun ap ko emligo tsiro, penell o baro Devel, venn kol menshe dran o them Israel, khetne kol menshentsa dran o them Youda oun djan trouyel o ropah, oun rodenn man, pengro Debles.

Zakarie 4:7

“Oun hoy hi kol douy djeteskre rouka”, penom me, “hoy čačes oun serves pash i momelengri tardo hi, oun hoy hi lengre douy kashta, kolengro djet an kol douy sonakangre koola nashell?”

Čačepangre 2:5

Oun yon penan ap koy platsa Bokim. Oun yon anan kote o baro Debleske firhen, te rhačrenn le len leske.

1. Samuel 4:5

Oun har ko morhton ap i platsa vas, stan i tsele Israelitarya, oun dan yaake bari gole i barhtyatar, te djas i phoub tel lengre herya.