Esra 3:10 - O Debleskro Lab 2024 (Sinte-Manouche)

¹⁰ Oun har čivan i boudepangre i telstoune barra pre o baro Debleskro khereske, his i rashaya koy tardo an pengre rashayengre ripya oun phourdan an pengre phourdepangre. Oun i Levitarya, kolengro phouro dad o Asaf his, kolen his pengre bashepangre, hoy kharenn cimbale, ninna pashel, te nay sharenn le o baro Debles, yaake har o David, ko baro ray pral Israel kova penas.

O Debleskro Drom 2021 (Sinte)

¹⁰ Un har tchiwan i budepangre i telstune barra pre o baro Debleskro khereske, his i rashaja koi tardo an pengre rashajengre ripja un phurdan an pengre phurdepangre. Un i Levitarja, kolengro phuro dad o Asaf his, kolen his pengre bashepangre, hoi kharenn Zimbale, ninna pashel, te nai sharenn le o baro Debles, jaake har o David, ko baro rai pral Israel kowa penas.

Esra 3:10 ပူးပေါင်းရင်းမြစ်များ

1. Familjakro liil 15:24

Glan o morhton djan i rashaya: o Aba, o Shebanya, o Yosafat, o Netanel, o Amasay, o Zakarie, o Benaya, oun o Eliyeser. Yon phourdan an bare phourdepangre. Oun o Obed-Edom oun o Yehiya djan pal o morhton oun dan yak ap leste.

1. Familjakro liil 15:27

Oun o Davides his i plaashka dran biyalo layntikro than ap peste. Oun yaake his ninna i tsele Levitarya an-rido, kay o morhton hidjrenn, ninna i gipangre oun o Kenanya, ko pralstouno pral i gipangre. Oun o David his ninna i layntikri damdira ap peste, har i rashaya hidjrenn.

1. Familjakro liil 16:37

Oun yaake har o David lenge penas, ačan o Asaf oun leskre phrala glan o morhton o baro Debleskre deesh labentsa, te krenn le kote koy boudi, hoy hako dives hounte kerdo vell.

1. Familjakro liil 16:42

Yon sharan o Debles pengro bashepah, oun bashran ap i phourdepangre oun doryengre bashepangre oun vavar bashepangre. I čaven o morshestar Yedoutoun das o David koy boudi, te denn le garda ap i voudya.

1. Familjakro liil 23:5

4.000 (star zerya) morsha van voudyengre morsha, kay hounte denn garda ap i voudya. Oun 4.000 (star zerya) morsha van gipangre, kay givenn gilya o baro Debleske, oun bashrenn koy pashel ap kol bashepangre, hoy moukas o David koleske te krell.

2. Familjakro liil 35:14

Oun koy pal kran i Levitarya o rhapen penge oun i rashayenge; i rashayen dran o kheer Aron his yaake boud boudi kol tsele firhentsa, hoy van tseles rhačedo oun ko thulepah, hoy vas rhačedo, te kran i Levitarya penge oun i rashayenge ko rhapen.

2. Familjakro liil 35:15

Oun i gipangre dran o kheer Asaf ačan ap penge platse tardo. Yaake penas kova o David oun o Asaf oun o Heman oun o Yedoutoun, kova his o baro rayeskro dikepaskro. Ninna kol morsha, kay dan garda ap i tsele voudya, moukan gar pengre platse. Oun i Levitarya kran ninna lenge o rhapen.

Esra 2:41

dran o kheer Asaf: 128 (sheel-biish-te-orhta); kolla his i gipangre;

Esra 5:16

Kote vas o Sheshbazar oun čivas i telstoune barra pre o Debleskro khereske kate an Yerusalem. Yaake rah boudrah ap o Debleskro kheer, oun kova hi gomme gar tseles kerdo.”

Debleskri gili 150:5

Sharenn les o bashepah ap i cymbale, hoy denn savi gole, har te givell i djouvel oun har te givell i morsh.

Haggai 2:15

Oun kanna denn garda, har djal t'menge kava dives, oun an ko tsiro, hoy vella! Glan kava dives kay čivan t'mer yek bar ap o vavar ap o baro Debleskro kheer, his yaake:

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Zakarie 4:7

“Oun hoy hi kol douy djeteskre rouka”, penom me, “hoy čačes oun serves pash i momelengri tardo hi, oun hoy hi lengre douy kashta, kolengro djet an kol douy sonakangre koola nashell?”

Zakarie 6:12

Oun pen leske: Kova penell o baro Devel, ko ray pral o bolepen oun i phoub: Ko morsh, kay vell kharedo nevo rouk, vell baro ap peskri platsa. Oun yob krell o baro Debleske i nevo kheer.

1. Samuel 22:18

Kote penas o baro ray ap o Doeg: “Ab tou, oun de len moulo!” Oun o Doeg, ko Edomari, vas glan oun das kol rashayen moulo. Oun ap ko dives meran 85 (orhta-deesh te panč) morsha, kay an i rashayengri layntikri damdira rido his.